Вторник, 05 июня 2018 11:11 // Прочитано 121 раз

"Берьюлы ике шатлык, ике танылу"

Барча татар дөньясы Тукай туган көнен билгеләп үткән, шигырь бәйрәменә җыелган көнне Казаныбызның Ш.Мәрҗани исемендәге 2 нче татар гимназиясенә Мәскәүдән шатлыклы хәбәр килеп иреште. 26-27 апрельдә мәктәп укучылары арасында узган Россия күләм фәнни-иҗади эшләр конкурсында 3 сыйныф укучысы Фәридә Әхмәтова татар халкының милли бизәкләренә багышланган фәнни эше белән катнашып, беренче дәрәҗә Диплом белән бүләкләнде.

Россиядә 21 нче тапкыр үткәрелүче әлеге чарага җыелучылар алдагы көнне концерт номерлары белән катнашып, һәр регион үзен тәкъдим итте. 800 кеше алдында безнең Фәридә Татарстан данын якларга теләк белдерде һәм милли киемнәрдә курайда татар халык көйләренә поппури башкарып, конкурска килүчеләрнең мәхәббәтен яулады.

Кечкенәдән дини-милли тәрбия алган, ана телендә гыйлем алуны сайлаган 9 яшьлек Фәридә Әхмәтова Татарстан данын танытуга өлеш кертте. Һәм бер үк вакытта сыйныф җитәкчесе – фәнни җитәкчесе булган Ләйлә Гарифҗанова белән үзе укыган 32 нче номерлы татар музыка мәктәбенең курай классы җитәкчесе Рафаэль Гайзетдиновның да, гимназиядәге А.Пушкин мәктәбе түгәрәге җитәкчесе Әлфинур Бушуеваның да ышанычын аклады.

Иҗат юлың сөенечле, уңышларың дәвамлы булсын, Фәридәкәй!




Поделитесь с друзьями

Добавить комментарий

Защитный код
Обновить

Филиал АО «ТАТМЕДИА» Редакция журнала «Сәхнә»

Учредитель СМИ: АО «ТАТМЕДИА». Сайт зарегистрирован ФЕДЕРАЛЬНОЙ СЛУЖБОЙ ПО НАДЗОРУ В СФЕРЕ СВЯЗИ, ИНФОРМАЦИОННЫХ ТЕХНОЛОГИЙ И МАССОВЫХ КОММУНИКАЦИЙ (РОСКОМНАДЗОР). Свидетельство о регистрации СМИ ЭЛ № ФС77 – 69870 от 29.05.2017 г.

Адрес редакции: 420066, Татарстан, г. Казань, ул. Декабристов д. 2
Телефон редакции +7 (843) 222-05-40 (16-10), e-mail: saxna@mail.ru

Режим работы: Понедельник–пятница с 9.00 до 18:00. Выходные: суббота, воскресенье.
Главный редактор: Хуснутдинов Зиннур Зиятдинович

© Журнал «СӘХНӘ», 2011 - 2018. Все права защищены.

© ТАТМЕДИА. Все материалы, размещенные на сайте, защищены законом. Перепечатка, воспроизведение и распространение
в любом объеме информации, размещенной на сайте, возможна при наличии гиперссылки или с письменного согласия редакций СМИ.
Создано при поддержке Республиканского агентства по печати и массовым коммуникациям РТ

Политика о персональных данных

12+