100 header

https://www.ok.ru/profile/591523331094

Хәбәрләр

Хәбәрләр

Бүген КФУның Филология һәм мәдәниятара багланышлар институтында «Кәрия-Зәкәрия» халык уеннарына багышланган төбәкара фестивальнең йомгаклау этабы узды. Чарада "Татар-информ" хәбәрчесе дә катнашты.

«Сәхнә йолдызлары» номинациясендә Казан театр училищесы төркеме, «Ихлас» номинациясендә Казан педагогия көллияте, «Мирасны барлаучылар» номинациясендә КФУның Алабуга институты, «Балкыш» номинациясендә «Бәйрәм» коллективы лауреат булды. Гран-прига Арча педагогия көллиятеннән Татар халык җәүһәрләре коллективы һәм «Эчтәлек ягыннан иң матур дип табылган чыгыш» өчен «Әллүки» иҗат берләшмәсе ия булды.

«Сез халыкның күңелендә, бәгырендә булган халык уеннарын популярлаштырасыз. Кызганыч, без халык иҗатын югалта барабыз. Әмма фестивальнең эчтәлеген тәшкил иткән халык мирасы әле озак еллар яшәр һәм әлеге белемнәрне сез киләчәк буынга да тапшырырсыз дип уйлыйм», - диде Татарстан Дәүләт Советы депутаты Анастасия Исаева.

Югары мәктәп деканы Рамил Мирзаһитов фестивальне киләсе елда мәктәп укучыларын да катнаштырып, ТР Мәгариф министрлыгы белән берлектә тагын да масштаблырак форматта уздырылачагын әйтте. «Беренче коймак төерле була, диләр. Шуңа күрә ниндидер җитешсезлекләр булса, гафу итәрсез», - диде декан.

«Салават Күпере» һәм «Сәхнә» театр журналларының баш мөхәррире Зиннур Хөснияр татар халкының гореф-гадәтләре әби-бабайлардан калган бөек хәзинә булуын искәртте. «Алар безнең һәр күзәнәктә, алар безне яшәтә, кеше итә. Әгәр дә шушы уеннарны уйнаган студент үз күңеле аша кичерә икән, ул аны гомергә онытмаячак. Институт һәм көллиятләрдән менә дигән белгечләр чыга дигән сүз», - диде ул.

«Кәрия-Зәкәрия» - халкыбыз уеннарына багышланган фестиваль. Ул 2019 елда Россиядә театр елы игълан ителү уңаеннан һәм ТАССРның 100 еллыгы кысаларында КФУ, АҖ «ТАТМЕДИА», «Сәхнә» театр һәм «Салават күпере» балалар журналлары редакцияләре белән берлектә уздырыла. Ул – булачак педагогларны татар халкы традицияләре ярдәмендә тәрбияләүне максат итеп куя.

Фото: Салават Камалетдинов

Зилә Мөбаракшина

татар-информ

 

 

Кичә Азат Фазлыевның әнисе Зөлфирә апаның арабыздан киткәненә дә 40 көн булган. Ул ахыргы көненә кадәр явыз чир белән көрәште...

«Яшисең килде... Яшәтәсе килде, әни! Сагындырасың. Көннән-көн ныграк. Кайгыдан бер дәва да юк, бераз онытылыр өчен генә эшкә чумабыз. Шулчак, эш вакытында, бөтенләй онытылып китеп: «Бу атнада әти-әни янына кайтып килергә кирәк... Болай итәсе, шулай итәсе бар. Хәзер әнигә генә шалтыратып алыйм әле». Һәм кул телефонга үрелә, әнинең номерын эзлисең... Ә номеры бар, аны алып куярга берничек тә батырчылык итә алмыйм. Шалтыратыр идем, рәхәтләнеп сөйләшер идек. Сөйләшкән саен теләкләреңне теләр идең, ә синең олы йөрәгеңнән алар ташып тора иде», - дип уртаклашкан Азат инстаграм аккаунтында.

Автор: Александра Иванова

Посмотреть эту публикацию в Instagram

Яшисен килде... Яшэтэсе килде , ЭНИ!!!!Сагындырасың. Көннән-көн ныграк. Кайгыдан бер дәва да юк, бераз онытылыр өчен генә эшкә чумабыз. Шулчак, эш вакытында, бөтенләй онытылып китеп: "Бу атнада әти-әни янына кайтып килергә кирәк... Болай итәсе, шулай итәсе бар. Хәзер әнигә генә шалтыратып алыйм әле". Һәм кул телефонга үрелә, әнинең номерын эзлисең... Ә номеры бар, аны алып куярга берничек тә батырчылык итә алмыйм. Шалтыратыр идем, рәхәтләнеп сөйләшер идек. Сөйләшкән саен теләкләреңне теләр идең, ә синең олы йөрәгеңнән алар ташып тора иде. Әни, син мәңге йөрәкләрдә. Юксынабыз. Авыр туфрагың җиңел, урының оҗмах түрендә булсын. #әни #40көнсинсез

Публикация от Азат Фазлыев (@azatfazlyev)

Җырчы Рәфинә Ганиуллина инстаграмында үзе белән булган хәлләр белән уртаклаша. Кичә ул балачак хатирәсен язып чыкты.

Без биш бертуган кыз, яшь араларыбыз якын, шуңа күрә олыбыз-кечебез юк диярлек. Əни безгә мәктәптән кайтышка өйдә эшлисе эшләр списогын язып куер иде дә, үзе районга эшләр белән чыгып китәр иде. Əлбәттә әни әйләнеп кайтканчы, без бу пунктларны ялт итеп үтәргә тиеш! Тиеш, ләкин ул көнне без телевизор карап, бер-беребезгә салынып, өйнең астын өскә китереп, вакытның узганын сизми дә калганбыз.. Əни кайтты.. Өй җыештырылмаган, дәресләр. әзерләнмәгән, сарыклар, кош-корт каралмаган, кыскасы әнинең ачуы кабарды. Безгә күчтәнәчкә дип алган бананнарны сарыкларга ашатам дип чыгып китте, аннары йөгереп керде дә уклау таягын тотып безгә таба килә башлады, безгә бик оят иде, куркудан елый башладык. Əни аптырагач, тиз арада үзен кулга алып, бар ачуыннан уклау белән бусаганы төя башлады.. һәм шул уклавы белән ялгыш кына сул як күзенә китереп тә тартты.. үзе дә үксеп еларга тотынды.. Шундый авыр мизгел иде бу, гафу үтенеп әнине юатасы, кочаклыйсы килә, әмма әни бик горур!!! Без шыпырт кына ярты сәгать эчендә, бөтен эшләрне эшләп аттык, ул арада әни дә суынып өлгерде, аннары бергәләп утырып чәйләр эчтек, теге бананнарны да үзебез ашадык, дуслаштык. Икенче көнне әнинең күзе кара көйгән иде.. Күргән бер кеше: «Ирең дә юк бит инде, Зөлфия, фингалны кем куйды?» ‒ дип сорап аптыраттылар. Əни нәрсә дип җавап бирә иде дип уйлыйсыз? Дөрес җавапка әниебез ‒ Зөлфия Мансурның китабы «Мин көтәрмен, тик син... ашыкма».

Автор: Г.Шәрәпова

Татар Малай ярдәм сорый

Четверг, 25 апреля 2019 09:27

Татар Малай үзенең иснтаграм аккаунтында үзенә ярдәм кирәклеге турында пост язып чыкты. Ул хатыны белән төшкән фото урнаштырган һәм «Тиздән безнең яңа тапшыру чыгачак, исем уйлап чыгарырга булышыгыз әле!» дип язып куйган. Комментарийлардагы кызыклы җавапларны сезгә дә тәкъдим итәбез:

«Татар Малай ашлары»

«Тәмлүшкә»

«Тәмле булсын!»

«Тәмлетамак»

«Татар гаиләсе тәм-томнары»

Идеяләрегез булса сез дә Татар Малай аккаунтына кереп вариантларыгызны язып чыгыгыз, кем белә бәлки нәкъ менә сезнең тәкъдимне кабул итәрләр.

Автор: Г.Шәрәпова

© 2015-2018 Сетевое издание Сәхнә-Сцена.Все права защищены.

© ТАТМЕДИА. Все материалы, размещенные на сайте, защищены законом. Перепечатка, воспроизведение и распространениев любом объеме информации, размещенной на сайте, возможна только при наличии письменного согласия редакций СМИ.

Создано при поддержке Республиканского агентства по печати и массовым коммуникациям РТ.

Наименование СМИ: Сәхнә-Сцена (sahne.ru). Сайт зарегистрирован ФЕДЕРАЛЬНОЙ СЛУЖБОЙ ПО НАДЗОРУ В СФЕРЕ СВЯЗИ, ИНФОРМАЦИОННЫХ ТЕХНОЛОГИЙ И МАССОВЫХ КОММУНИКАЦИЙ (РОСКОМНАДЗОР). Свидетельство о регистрации СМИ ЭЛ № ФС77 – 69870 от 29.05.2017 г.

Учредитель СМИ: АО «ТАТМЕДИА». Адрес: 420066, Татарстан, г. Казань, ул. Декабристов д. 2

Адрес редакции: 420066, Татарстан, г. Казань, ул. Декабристов д. 2, 7 этаж.Телефон редакции +7 (843) 222-05-40 (1610), e-mail: saxna@mail.ru .

Главный редактор: Хуснутдинов Зиннур Зиятдинович (Зиннур Хуснияр).

О фактах коррупции просим сообщать по адресу saxna@mail.ru .

Антикоррупционная политика

Политика о персональных данных

Настоящий ресурс может содержать материалы 12+