Реклама

Хәбәрләр

Сәйдәш аланы” дип исемләнгән сәнгать бәйрәме быел ундүртенче тапкыр үткәрелә.

Кызыл Байрак, 18 август, “Татар-информ”, Зилә Мөбәрәкшина). Бүген Югары Ослан районының Кызыл Байрак авылында татар профессиональ музыкасына нигез салучы, композитор Салих Сәйдәшев истәлегенә багышланган “Сәйдәш аланы” дип исемләнгән сәнгать бәйрәме үтә. Чарада “Татар-информ” агентлыгы хәбәрчесе дә катнаша.

  • Әлеге бәйрәм беренче мәртәбә Г.Камал театрының элеккеге директоры Шамил Закиров инициативасы, Татарстанның Мәдәният министрлыгы һәм Г.Камал исемендәге Татар дәүләт Академия театры ярдәме белән 2000 елны үткәрелә. Элегрәк ул ел саен үткәрелә торган булса, соңгы елларда ике елга бер тапкыр гына уза.

Бәйрәмне тантаналы рәвештә Татарстанның атказанган артистлары Рамил Вәҗиев һәм Алсу Каюмова ачып җибәрде. Алар бәйрәмнең төп алып баручылары булды. Кичәнең музыкаль бизәлеше Г.Камал театрының музыка бүлеге җитәкчесе, Татарстанның атказанган сәнгать эшлеклесе, Татарстанның халык артисты Фуат Әбүбәкеровкә тапшырылды. Бәйрәмнең сценарий авторы һәм режиссеры - Идрис Газиев.

Иң элек Салих Сәйдәшевнең данлыклы “Зәңгәр шәл” әсәреннән Г.Камал театрының артистлары Ришат Әхмәдуллин белән Әсхәт Хисмәт “Булат җыры”н башкарды. Ирек Кашапов композиторның “Наемщик” драмасыннан Батырҗан ариясен җырлады. Идрис Газиев шул ук драмадан тамашачыларга Батырҗанның “Мәхәббәт ариясе”н бүләк итте. Татарстанның халык һәм атказанган артисты Илдус Әхмәтҗанов һәм театрның яшь артисты Илнур Закиров исә шигырьләр укыдылар.

ТР Мəдəният министрының беренче урынбасары Эльвира Камалова сәнгать бәйрәменең үзенчәлеген билгелəп узды. “Барыгызны да күренекле композиторга багышланган сәнгать бəйрəме белән котлыйм. Нəкъ менə Кызыл Байрак авылы җире Салих Сәйдәшев өчен илһам чыганагы булып торган. Бу бəйрəм һәрвакыттагыча халкыбызның күренекле сәнгать эшлеклелеләрен, җырчыларны, иҗади яшьлəрне бергә җыя, халкыбызның рухын, зәвыгын тәрбияләүдә зур роль уйный. Г.Камал исемендәге Татар дəүлəт академия театрына əлеге традицияне саклап калган өчен рəхмəт. Сəйдəш моңнары яңгырап торсын”, - диде ул.

Г.Камал театры исеменнән Россиянең һәм Татарстанның халык артисты Әзһәр Шакиров чыгыш ясады. “Г.Камал исемендәге Татар дәүләт академия театры исеменнән җыелышып килгәнегез өчен барыгызга да рәхмәт! Аллага шөкер, көне матур булды. Табигать тә: “Сез Салих Сәйдәшевне онытмаска, аңа гадел бәя бирергә тиеш”, - дип безне илһамландырып тора. Әлеге театрның эллекке җитәкчесе Шамил Закиров һәм баш режиссер Марсель Сәлимҗанов заманында бик зур эш башкарды. Безнең театр Салих Сәйдәшев татар сәнгатендә, аның музыкасына нигез салучыларның берсе дип исбат итте һәм күтәрде. Җаныбызны, рухыбызны аңлатучы музыкантларның берсе ул – Салих Сәйдәшев”, - диде Әзһәр Шакиров.

Эльвира Камалова, Әзһәр Шакиров, композиторның оныгы Валерий Сәйдәшев һәм башка туганнары, артистлар, Салих Сәйдәшевнең истәлек ташына чәчәкләр куйды.

“Салих Сәйдәшевнең 120 еллыгы якынлаша. Без аның альбомын чыгарырга ниятлибез. Анда композиторның шәхси фотоларыннан тыш беркемгә дә билгеле булмаган яңа фотолары урын алачак. Сәйдәшкә багышланган китапларда аның турыда барлык истәлекләр дә тупланган. Ул бик матур кеше иде. Тышкы яктан гына түгел, эчке ягыннан да гаҗәп матур булды ул”, - диде үз чыгышында Салих Сәйдәшевнең җизнәсе – Шиһап Әхмәровның оныгы Рөстәм Әхмәров.

“Чираттагы тапкыр гаҗәеп матур җирдә күрешәбез. Без монда Татарстанның музыка даһие – Салих Сәйдәшевнең бай мирасын тыңлыйбыз. Сәнгать бәйрәменнән чын мәгънәсендә ләззәт алабыз. Барлык гаилә әгъзаларыннан килүчеләргә, оештыручыларга рәхмәтемне җиткерәм”, - диде Салих Сәйдәшевнең оныгы Валерий Сәйдәшев.

Бәйрәмнең концерт программасы ике өлешкә бүленде. Концерт дәвамында Салих Сәйдәшевның иҗаты һәм тормыш юлы яктыртылды, аңа багышланган викторина уздырылды.

Соңрак сәхнәдә Әсхәт Хисмәтов, Искәндәр Биктаһиров, Фирая Әкбәрова, Гүзәл Гөлвердиева, Раил Шәмсуаров, Ирек Каашпов һәм Артур Исламов Салих Сәйдәшев әсәрләре белән чыгыш ясады. Ришат Әхмәдуллин белән Гүзәл Гөлвердиева “Зәңгәр шәл” музыкаль драмасыннан Булат белән Мәйсәрә сәхнәсеннән өзек куйдылар.

“Сәйдәш аланы” сәнгать бәйрәме “Совет Армиясе маршы” белән тәмамланды.

Фото

 

Зилә Мөбәрәкшина

Зилә Мөбәрәкшина

 
 


Бу хакта тулырак: https://tatar-inform.tatar/news/2018/08/18/169955/

Бүген Рөстәм Миңнеханов республикада төзелеш һәм капремонт мәсьәләләре буенча киңәшмә үткәрде.

Татарстанда 2018 елда якынча 1,4 млн квадрат метр торак файдалануга тапшырылган. Бүген бу хакта Татарстан Республикасы Хөкүмәте Йортында узган республика киңәшмәсендә Татарстан Республикасы төзелеш, архитектура һәм ТКХ министры Ирек Фәйзуллин хәбәр итте. Бу турыда Татарстан Хөкүмәте матбугат хезмәте хәбәр итә.

Киңәшмәне барлык мунициципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды.

Ирек Фәйзуллин хәбәр иткәнчә, 17 августка республикада 1 млн. 387,7 мең квадрат метр торак файдалануга тапшырылган. Бу планның 57,7 проценты дигән сүз. Социаль ипотека программасы буенча 109 йорт төзелеп беткән.

Ирек Фәйзуллин искәрткәнчә, 2018 елда аренда торагы программасы кысаларында 28,7 мең квадрат метр мәйданда 545 фатирлы 182 йорт файдалануга тапшыру планлаштырыла. Татарстан Республикасының 4 мунициципаль районында 62 йорт тапшырылган (Әлки – 10 йорт, Апас – 2 йорт, Саба – 40 йорт, Минзәлә – 10 йорт).

интертат

https://pixabay.com/ru

Бу хакта тулырак: https://tatar-inform.tatar/news/2018/08/18/169935/

Палестина балыкчысы буш шешәләрдән көймә ясаган.

35 яшьлек Муат Абу Зейд (Muath Abu Zeid) 700 гә якын буш шешә җыйган һәм келәй, иске балык тоту ятьмәләре ярдәмендә көймә сыман җайланма ясаган. Өске ягына утыргыч өчен агач такта беркеткән. Бу хакта South China Morning Post басмасы яза дип хәбәр итә “lenta.ruсайты.

Балыкчы белдерүенчә, аның эшләнмәсе сигез кешене күтәрә ала. Зейд һәр көнне әлеге көймәгә утырып Урта диңгезгә чыга. Балык эләгә торган урыннарны табу өчен, ярдан берничә йөз метр ераклыкка китәргә кирәк.

Дәвамы...

Фото: pixabay.com

интертат

Бу хакта тулырак: https://intertat.tatar/sozial-chelter-joldyzlari/yarly-balykchy-shesh-l-rd-n-k-ym-yasap-di-gezg-chykkan/

 
 
Татарча пикник форматындагы вакыйга Корбан Гаетенә багышлана.
Мәскәү татар яшьләре Троицк шәһәрендә "Хәрәкәт camp-2018" чарасына әзерләнә. Быел ул зур масштаблы пикник форматында 1 сентябрь көнне үткәреләчәк. Бу хакта "Хәрәкәт" берләшмәсе хәбәр итә. 
Чара Корбан гаетенә багышланачак. Шул уңайдан, имамның Корбан бәйрәме, исламда гаилә кыйммәтләре хакында вәгазь сөйләве көтелә. 
Хәрәкәтләнергә яратучылар өчен волейбол, аркан тартышу, капчык белән йөгерү, бадминтон һ.б. спорт уеннарында катнашу мөмкинлеге булачак. 
Яшь татар башкаручылары исә бәйрәмнең мәдәни өлешендә чыгыш ясар дип көтелә. Шулай ук татарча биюләр дә каралган. 
Татар тарихына багышланган чыгышлар, белем бирү форматындагы бизнес программа, танылган татар шәхесләре белән аралашу - болар барысы да "Хәрәкәт camp-2018" тә булачак, диелә хәбәрдә. 
 

Бу хакта тулырак: https://tatar-inform.tatar/news/2018/08/18/169936/

Туйның үзәгендә кияү белән кәләш булса, мәҗлестә кунакларның күңелен күрүче, аларга яхшы кәеф бүләк итүче - алып баручы тора. Җәй ае ул – никах, туйлар ае. Шулай булгач, татар эстрадасы йолдызлары өчен “кызу урак өсте” башлана. Аларның күпләре бу чорда акча эшләп калырга омтыла. “Интертат” хәбәрчесе яшьләргә ярдәм йөзеннән җырчы - тамадаларының үз рейтингын туплады. Бәяләр тамадаларның үз әйткәннәреннән чыгып күрсәтелде.

Күпчелек тамадаларның үзләренең музыка аппаратуралары һәм ди-джейлары бар. Туй итүче яшьләр күбрәк парлы җырчыларга мөрәҗәгать итә.

Рафиль Җәләлиев һәм Эльмира Гыйльфанова:

DJ һәм үзебезнең музыкаль аппаратура (2 колонка, 1 сабвуфер), светомузыка, төтен (тяжелый дым) бар. Яшьләрнең барлык таләпләрен искә алып эшлибез. Аерым җырлыйбыз, дуэтларыбызны да башкарабыз. Гармунсыз туйлар бик җансыз һәм күңелсез уза, шуңа күрә төркемебездә талантлы һәм оста баянчы Әлфис Галиуллин да бар. Дәвамы...

Автор: Ләйлә ХӘКИМОВА

интертат

Бу хакта тулырак: https://intertat.tatar/shou-biznes-yanalyklary/tatar-tamadalary-tuyny-k-pmeg-alyp-bara-b-yal-r-reytingy/

 
Өч көн дәвамында кыска метр, документаль кино һәм анимация кергән өч альманах күрсәтеләчәк.

20-22 августта, 15.30 сәгатьтә В. И. Ленин исемендәге Мәдәният сараенда яшь авторларның Бөтендөнья урам киносы фестивале кысаларында соңгы биш елда төшерелгән иң яхшы кыска фильмнары тәкъдим ителәчәк. Бу турыда оештыручылар хәбәр итә.

Өч көн дәвамында кыска метр, документаль кино һәм анимация кергән өч альманах күрсәтеләчәк. 20 августта программада «Петух», «Про любовь», «Солнечный ветер», «Каждый 88», «Счастье на ладони» фильмнары күрсәтеләчәк.

21 августта тамашачылар «Ленин день», «Куда приводят сны», «Хорошая энергетика», «Расфокусин», «Зараза» фильмнарын карый алачак.

22 августта «Время жить, время умирать», «Гвоздь», «Фрилансер», «Невыполненное обещание», «Добрый день», «Ну здравствуй, Оксана Соколова» һәм башка кыска фильмнар күрсәтеләчәк. Бу көнне 18 яшьтән өлкәнрәк тамашачылар кертелә.

  • Фильмнар һәр көнне 15.30 сәгатьтә башлана. Керү бушлай.

Фото: Р.Назмиев

татар-информ

Бу хакта тулырак: https://tatar-inform.tatar/news/2018/08/18/169928/

Россия журналистлары берлеге рәисе ММЧ турындагы законның яңа форматы турында уйланырга тәкъдим итте.

Казан, 18 август, "Татар-информ", Гөлнар Гарифуллина). Россиядә милли телләрдә чыгучы матбугатның иң яхшы үрнәкләре рус теленә тәрҗемә ителергә мөмкин. Россия журналистлары берлеге рәисе Владимир Соловьев милли һәм төбәк гаммәви мәгълүмат чараларының VII форумының пленар утырышында шул хакта әйтте.

Ул Россия журналистлары берлегенең милли матбугат үсешен җентекләп күзәтәчәген белдерде. "Россия журналистлары берлегенең яңа сайты барлыкка киләчәк. Милли телләрдә чыгучы матбугатның иң яхшы үрнәкләрен рус теленә тәрҗемәсен бастырырга тәкъдим итәм. Әгәр ул материаллар өчен аерым рубрика булдырылса, республикалардан коллега журналистларның иң яхшы язмалары белән танышып барып, фикер алышырга мөмкин булыр иде", - дип әйтте Владимир Соловьев.

Ул ММЧ турындагы законның яңа форматы турында уйланырга тәкъдим итте. Законда кайбер позицияләр җитми, дип саный. "Бәлки, аны башкача атаргадыр. Медиакоммуникацияләр турында закон дияргә була. Законда әле расланмаган позицияләр күп. Мисал өчен, законда төбәк телеканалы, вещание кебек төшенчәләр юк", - дип ул Татарстан журналистлары берлеге белән бу мәсьәлә буенча бергәләп эшләү булачагына ышанычын баглады.

татар-информ

Фото: Рамиль Гали

 

Бу хакта тулырак: https://tatar-inform.tatar/news/2018/08/18/169929/

Казан, 18 август, "Татар-информ", Гөлнар Гарифуллина). Татарстанның Дәүләт Киңәшчесе Минтимер Шәймиев пенсия реформасы турында закон проектына карата фикерен белдерде. Бу хакта ул кичә милли һәм төбәк гаммәви мәгълүмат чараларының VII форумыныңпленар утырышындаәйтте.

Аның фикеренчә, пенсия реформасын иртәрәк башларга да була иде. Хәзер гомер озынлыгы арта барганда, реформаның котылгысыз булуын билгеләп үтте. "Аннан башка булмаячак та. Әгәр дә без пенсионерларыбызның билгеле бер вакыттан соң тиешле тупланмалары булып, үзләренә лаеклы картлык тәэмин итеп, дөнья күреп йөрүләрен теләсәк, бүтәнчә булмый. Без чит ил санаторийларында пенсионерларның күп булуын күрәбез. Көнләшеп тә куярлык. Мондый система үзен үзе аклый. Иң авыры - күчеш чоры", - диде Минтимер Шәймиев.

  • Дәүләт Думасы хатын-кызларның пенсиягә чыгу яшен63 кә, ир-атларныкын 65кә кадәр арттыру турында закон проектын беренче укылышта кабул итте.

Минтимер Шәймиев форумда ясаган чыгышында Татарстанның газификация, тузган торакны бетерү, аннары торак белән тәэмин итү буенча социаль ипотека программаларын кертү кебек гамәлләрдә илдә алдынгы тәҗрибәсе турында сөйләде. Шулай ук, рухи тормышны үстерү, тарихи һәм мәдәни һәйкәлләрне торгызу юнәлешендә башкарылган эшләргә тукталды.

татар-информ

Фото: архив

 

Бу хакта тулырак: https://tatar-inform.tatar/news/2018/08/18/169927/

Игъланнар тактасы

Конкурслар

Филиал АО «ТАТМЕДИА» Редакция журнала «Сәхнә»

Учредитель СМИ: АО «ТАТМЕДИА». Сайт зарегистрирован ФЕДЕРАЛЬНОЙ СЛУЖБОЙ ПО НАДЗОРУ В СФЕРЕ СВЯЗИ, ИНФОРМАЦИОННЫХ ТЕХНОЛОГИЙ И МАССОВЫХ КОММУНИКАЦИЙ (РОСКОМНАДЗОР). Свидетельство о регистрации СМИ ЭЛ № ФС77 – 69870 от 29.05.2017 г.

Адрес редакции: 420066, Татарстан, г. Казань, ул. Декабристов д. 2
Телефон редакции +7 (843) 222-05-40 (16-10), e-mail: saxna@mail.ru

Режим работы: Понедельник–пятница с 9.00 до 18:00. Выходные: суббота, воскресенье.
Главный редактор: Хуснутдинов Зиннур Зиятдинович

Частичное или полное воспроизведение материалов журнала «Сәхнә» или сайта sahne.ru возможно только при наличии гиперссылки. 

© 2011 - 2018. Журнал «СӘХНӘ» . Все права защищены.
© ТАТМЕДИА. Все материалы, размещенные на сайте, защищены законом. Перепечатка, воспроизведение и распространение
в любом объеме информации, размещенной на сайте, возможна только с письменного согласия редакций СМИ.
Создано при поддержке Республиканского агентства по печати и массовым коммуникациям РТ

Политика о персональных данных

12+