100 header

https://www.ok.ru/profile/591523331094

Хәбәрләр

Вторник, 23 апреля 2019 15:05 // Прочитано 310 раз

Быел «Изге Болгар җыены» 15 июньдә була

15 июньдә Спас районының Болгар шәһәрендә Идел буе Болгар дәүләтендә ислам динен рәсми кабул итү көненә багышланган һәм 1989 елдан бирле ел саен уздырыла торган «Изге Болгар җыены» була. Бу хакта Татарстан Мәдәният министрлыгы матбугат хезмәте хәбәр итә.

Тантаналы чара Болгарда 1989 елдан башлап үткәрелә. Ул 922 елда Идел буе болгарлары тарафыннан Ислам динен дәүләт дине буларак кабул итү көне һәм Болгар ханы Алмышның Багдад хәлифе делегациясе белән очрашуы тантанасы буларак уздырыла.

Фестивальгә ел саен Россиянең төрле төбәкләреннән һәм чит илләрдән күп санлы дин тотучылар килә. Быел ул Болгар дәүләт тарихи-архитектура музей-тыюлыгы территориясендә узачак. Анда Татарстан җитәкчелеге, Диния нәзарәтләре вәкилләре, муниципаль берәмлек башлыклары, министрлык һәм ведомство җитәкчеләре, Россия төбәкләре мөфтиләре катнашачак.

Фестивальдә республиканың иҗат коллективлары һәм солистлары катнашында концерт булачак, традицион татар музыкасы – мөнәҗәтләр, бәетләр, дини җырлар яңгыраячак.

Шулай ук бу көнне Ризаэтдин Фәхретдиннең тууына 160 ел тулуга багышланган «Бөтенроссия Коръән укулары» балалар - яшьләр конкурсының финалы да узачак.

Моннан тыш, «Осталар шәһәре» оештырылачак. Анда борынгы һөнәрләрдән уктан һәм арбалеттан ату, сөңге ату аттракционнары булачак. Шулай ук гарәп каллиграфиясен һәм урта гасырларда язу карасы җитештерү тәртипләрен өйрәнү дәресләре була. Шулай ук традиция буенча халык кәсепчеләре сәнгать осталары ярминкәсе эшләячәк.

татар-информ

 




Поделитесь с друзьями

© 2015-2018 Сетевое издание Сәхнә-Сцена.Все права защищены.

© ТАТМЕДИА. Все материалы, размещенные на сайте, защищены законом. Перепечатка, воспроизведение и распространениев любом объеме информации, размещенной на сайте, возможна только при наличии письменного согласия редакций СМИ.

Создано при поддержке Республиканского агентства по печати и массовым коммуникациям РТ.

Наименование СМИ: Сәхнә-Сцена (sahne.ru). Сайт зарегистрирован ФЕДЕРАЛЬНОЙ СЛУЖБОЙ ПО НАДЗОРУ В СФЕРЕ СВЯЗИ, ИНФОРМАЦИОННЫХ ТЕХНОЛОГИЙ И МАССОВЫХ КОММУНИКАЦИЙ (РОСКОМНАДЗОР). Свидетельство о регистрации СМИ ЭЛ № ФС77 – 69870 от 29.05.2017 г.

Учредитель СМИ: АО «ТАТМЕДИА». Адрес: 420066, Татарстан, г. Казань, ул. Декабристов д. 2

Адрес редакции: 420066, Татарстан, г. Казань, ул. Декабристов д. 2, 7 этаж.Телефон редакции +7 (843) 222-05-40 (1610), e-mail: saxna@mail.ru .

Главный редактор: Хуснутдинов Зиннур Зиятдинович (Зиннур Хуснияр).

О фактах коррупции просим сообщать по адресу saxna@mail.ru .

Антикоррупционная политика

Политика о персональных данных

Настоящий ресурс может содержать материалы 12+