100 header

Понедельник, 19 августа 2019 16:44 // Прочитано 290 раз

Камал театры Мансур Гыйләҗев пьесасы буенча әкият куячак

Камал театры балаларга яңа әкият әзерли - яшь режиссер Олег Кинҗәгулов Мансур Гыйләҗев инсценировкасы буенча «Таңбатыр» әкиятен куячак. Яңа сезон премьералары белән коллективның җәйге ялдан соң труппа җыенында баш режиссер Фәрит Бикчәнтәев таныштырды.

Әкият Кече сәхнәдә чыгарылачак. Олег Кинҗәгулов репетицияләрне октябрь азагында - Кече залда яшьләр спектакльләре трилогиясе чыгарылганнан соң башларга планлаштыра. Рольләр күзалланса да, әлегә тәгаенләнмәгән.

Драматург Мансур Гыйләҗев әкиятне Камал театры заказы буенча язуын, исеменә «Таңбатыр» әкияте чыгарылса да, әсәрдә берничә татар әкияте сюжеты кулланылуын әйтә. Сюжет уңай персонаж Таңбатыр һәм тискәре образ Кичбатыр тирәсендә бара. «Әкият яхшылыкның җиңүе, иманлы булып яшәүнең өстенлекләре турында», - дип аңлата Мансур Гыйләҗев.

«Мин күп язам. Әгәр театр яңадан эшләвемне сорый икән, мин кат-кат эшләргә дә әзер», - ди Мансур Гыйләҗев.

«Таңбатыр» спектакле декабрь аенда чыгарылыр дип уйланыла. «Ул яңа ел әкияте булмаса да, балаларга кышкы каникулларга бүләк булыр», - ди Олег Кинҗәнулов.

Олег Кинҗәнулов – яшь режиссер, Фәрит Бикчәнтәевның укучысы. Ул сезон ахырында Казан мәдәният һәм сәнгать институты студентлары белән Сөмбел Гаффарованың «Парковка» спектаклен чыгарды. «Парковка» спектакле «Театраль Идел буе» театр фестиваленә катнаша. Спектакльнең язмасын фестиваль сайтыннан карарга мөмкин.

Автор: Рузилә Мөхәммәтова

Фото:  Владимир Васильев

татар-информ




Поделитесь с друзьями

Хәбәрләр

© 2015-2019 Сетевое издание Сәхнә-Сцена.Все права защищены.

© ТАТМЕДИА. Все материалы, размещенные на сайте, защищены законом. Перепечатка, воспроизведение и распространениев любом объеме информации, размещенной на сайте, возможна только при наличии письменного согласия редакций СМИ.

Создано при поддержке Республиканского агентства по печати и массовым коммуникациям РТ.

Наименование СМИ: Сәхнә-Сцена (sahne.ru). Сайт зарегистрирован ФЕДЕРАЛЬНОЙ СЛУЖБОЙ ПО НАДЗОРУ В СФЕРЕ СВЯЗИ, ИНФОРМАЦИОННЫХ ТЕХНОЛОГИЙ И МАССОВЫХ КОММУНИКАЦИЙ (РОСКОМНАДЗОР). Свидетельство о регистрации СМИ ЭЛ № ФС77 – 69870 от 29.05.2017 г.

Учредитель СМИ: АО «ТАТМЕДИА». Адрес: 420066, Татарстан, г. Казань, ул. Декабристов д. 2

Адрес редакции: 420066, Татарстан, г. Казань, ул. Декабристов д. 2, 7 этаж.Телефон редакции +7 (843) 222-05-40 (1610), e-mail: saxna@mail.ru .

Главный редактор: Хуснутдинов Зиннур Зиятдинович (Зиннур Хуснияр).

О фактах коррупции просим сообщать по адресу saxna@mail.ru .

Антикоррупционная политика

Политика о персональных данных

Настоящий ресурс может содержать материалы 12+