Среда, 07 февраля 2018 07:15 // Прочитано 383 раз

“Алтын битлек” театр премиясенә дәгъва итүче татар спектакльләренә билетлар сатыла

(Казан, 6 февраль, «Татар-информ», Рузилә Мөхәммәтова). “Алтын битлек” Россия милли театр премиясенә дәгъва итүче һәм март-апрель айларында Мәскәүдә күрсәтелүче татар телле ике спектакльгә дә билетлар бик аз калган. Әлмәт театрының “Кибет” спектакле Милләтләр театры залында ике тапкыр - 20 һәм 21 мартта күрсәтеләчәк. “Әлиф” хореографик спектакле 3 апрельдә Мейерхольд үзәге залында булачак. Спектакльләр турында мәгълүмат “Алтын битлек” театр премиясенең рәсми сайтында урын алган. Сайт аша билетларны сатып алырга да мөмкин. "Әлиф" спектаклен куючылар берничә генә билет калуын әйтте.

Искәртеп үтәбез, бүген Мәскәүдә спектакль-номинантлары фестивале башланып китте. “Алтын битлек” Россия милли театр премиясенә дәгъва итүче спектакль-номинантлар фестивале 24 нче тапкыр башланып китте. Фестиваль кысаларында 66 спектакль күрсәтеләчәк.

Мәгълүмат өчен."Әлиф" спектакле исемлектә "Зов начала" исеме белән бара һәм ул өч номинациядә тәкъдим ителә. Болар - "Иң яхшы заманча бию/спектакль", "Иң яхшы балетмейстер" номинациясендә Марсель Нуриев һәм "Иң яхшы биюче" номинациясендә Нурбәк Батулла. "Әлиф" хореографик спектакленең идея авторы, режиссеры – Казан яшь тамашачы театрының баш режиссеры Туфан Имаметдинов, хореографы - Марсель Нуриев, композиторы - Эльмир Низамов.

Әлмәт театрының казах драматургы Олжас Жанайдаров пьесасы буенча куелган "Кибет" спектакле дүрт номинация буенча "Алтын битлек"кә тәкъдим ителгән. Болар - "Кече форматлы спектакль", "Иң яхшы хатын-кыз роле" номинациясендә Мәдинә Гайнуллина һәм Диләрә Ибәтуллина, "Иң яхшы драматург" номинациясендә - Олжас Жанайдаров.

татар-информ

Фото: Рамиль Гали

 




Поделитесь с друзьями

© 2015-2018 Сетевое издание Сәхнә-Сцена.Все права защищены.

© ТАТМЕДИА. Все материалы, размещенные на сайте, защищены законом. Перепечатка, воспроизведение и распространениев любом объеме информации, размещенной на сайте, возможна при наличии гиперссылки или с письменного согласия редакций СМИ.

Создано при поддержке Республиканского агентства по печати и массовым коммуникациям РТ.

Наименование СМИ: Сәхнә-Сцена (sahne.ru). Сайт зарегистрирован ФЕДЕРАЛЬНОЙ СЛУЖБОЙ ПО НАДЗОРУ В СФЕРЕ СВЯЗИ, ИНФОРМАЦИОННЫХ ТЕХНОЛОГИЙ И МАССОВЫХ КОММУНИКАЦИЙ (РОСКОМНАДЗОР). Свидетельство о регистрации СМИ ЭЛ № ФС77 – 69870 от 29.05.2017 г.

Учредитель СМИ: АО «ТАТМЕДИА». Адрес: 420066, Татарстан, г. Казань, ул. Декабристов д. 2

Адрес редакции: 420066, Татарстан, г. Казань, ул. Декабристов д. 2, 7 этаж.Телефон редакции +7 (843) 222-05-40 (1610), e-mail: saxna@mail.ru .

Главный редактор: Хуснутдинов Зиннур Зиятдинович (Зиннур Хуснияр).

О фактах коррупции просим сообщать по адресу saxna@mail.ru .

Антикоррупционная политика

Политика о персональных данных

Настоящий ресурс может содержать материалы 12+