Понедельник, 12 февраля 2018 13:58 // Прочитано 385 раз

Казанда "Россия чаңгы эзе" ярышларында 20,6 мең кеше катнашты

(Казан шәһәре KZN.RU, 12-нче февраль, Алсу Сафина). Икенче ел рәттән Казанда "Россия чаңгы эзе" ярышларында 20 меңнән артык кеше катнашты. Ләкин бу әле чик түгел, дип уйлый Казан Мэры Илсур Метшин. "Иң мөһиме - массачылык, һәм бу матур гадәткә әйләнеп бара", - диде эшлекле дүшәмбедә шәһәр башлыгы.

Ул билгеләп үткәнчә, шәһәрдә чаңгы спорт төрен популярлаштыру өчен күп эш эшләнә: паркларда һәм урманнарда чаңгы трассалары барлыкка килде. "Көннән көн казанлылар сәламәт яшәү рәвешен сайлый, - диде Мэр. - Чаңгы спортын яратучылар саны артыр, дип ышанам, ә без моның өчен барлык шартлар тудырырбыз".

2, 3 һәм 5 км дистанцияләрдә массалы ярышларда укучылар, студентлар, шәһәр учреждениеләре һәм предприятиеләре хезмәткәрләре катнашты. Ярышларда катнашучылар арасында иң өлкәне Бөек Ватан сугышы ветераны 92 яшьлек Петр Яльдиряков булды.

Физик культура һәм спорт комитеты рәисе Светлана Вострикова искәртеп үткәнчә, Казан "Россия чаңгы эзе" ярышларында 13 тапкыр катнашты. Чаралар өч мәйданчыкта үтте: Горки-Әмәт урманында, Казансу яланында, "Локомотив" стадионында.

Беренчеләрдән булып стартка ГТО нормативларын тапшыручылар чыкты."2100 10-11 сыйныф укучылары арасында 374 кеше чаңгы ярышларын сайлады. Нәтиҗәләр чыгарылгач, укучыларга мактау билгеләре тапшырылачак", - диде С.Вострикова.

Моннан кала, Юдинода яшәүче 200 кеше торак массивның 100 еллыгына багышланган стартка чыкты. Җиңүчеләргә истәлекле бүләкләр тапшырылды.

Ачылу тантанасы кысаларында Кореяда олимпия уеннарында катнашучы спортчылар хөрмәтенә флешмоб уздырылды.

Физик культура һәм спорт комитеты рәисе сүзләре буенча, әлеге чарада шәһәр һәм республика җитәкчеләренең катнашуы матур гадәткә әйләнеп бара. Мәсәлән, ярышларда өченче урынны Башкарма комитетның Финанс идарәсе башлыгы Ирек Мөхәммәтшин яулады.

www.kzn.ru




Поделитесь с друзьями

© 2015-2018 Сетевое издание Сәхнә-Сцена.Все права защищены.

© ТАТМЕДИА. Все материалы, размещенные на сайте, защищены законом. Перепечатка, воспроизведение и распространениев любом объеме информации, размещенной на сайте, возможна при наличии гиперссылки или с письменного согласия редакций СМИ.

Создано при поддержке Республиканского агентства по печати и массовым коммуникациям РТ.

Наименование СМИ: Сәхнә-Сцена (sahne.ru). Сайт зарегистрирован ФЕДЕРАЛЬНОЙ СЛУЖБОЙ ПО НАДЗОРУ В СФЕРЕ СВЯЗИ, ИНФОРМАЦИОННЫХ ТЕХНОЛОГИЙ И МАССОВЫХ КОММУНИКАЦИЙ (РОСКОМНАДЗОР). Свидетельство о регистрации СМИ ЭЛ № ФС77 – 69870 от 29.05.2017 г.

Учредитель СМИ: АО «ТАТМЕДИА». Адрес: 420066, Татарстан, г. Казань, ул. Декабристов д. 2

Адрес редакции: 420066, Татарстан, г. Казань, ул. Декабристов д. 2, 7 этаж.Телефон редакции +7 (843) 222-05-40 (1610), e-mail: saxna@mail.ru .

Главный редактор: Хуснутдинов Зиннур Зиятдинович (Зиннур Хуснияр).

О фактах коррупции просим сообщать по адресу saxna@mail.ru .

Антикоррупционная политика

Политика о персональных данных

Настоящий ресурс может содержать материалы 12+