Вторник, 13 февраля 2018 10:36 // Прочитано 311 раз

Хезмәт хакын вакытында түләмәү - оешма җимерелүгә китерә, диде авыл хуҗалыгы министрлыгы

(Казан, 13 февраль, “Татар-информ”, Чулпан Шакирова). Бүген авылларда хезмәт хакы тирәсендә киеренкелек бар. "Хезмәт хакын вакытында түләмәү - оешманың җимерелүенә китерә", – диде авыл хуҗалыгы министры Марат Әхмәтов Министрлар Кабинетында узган брифингта.

“Дөрес, киләчәктә авылда аның кадәр хезмәт көче калмаска мөмкин. Чөнки эре предприятиеләр елдан-ел заманча, кыйммәтле техника алырга тырыша. Өч кеше эшли торган эшне бер кеше башкарып, аның хезмәт хакын күтәрү мөмкинлеге бар. Авылда кешене тотып булмый, дип сөйлибез икән, беренче сәбәп ул – хезмәт хакы. Бүген эшкәртү предприятиеләрен кертеп, авылда хезмәт хакы 21300 сум гына. Ә ул (эшкәртү предприятиеләре) авыл хуҗалыгының 61 процентын гына тәшкил итә. Безнең халык күбрәк терлекчелек белән шөгыльләнә. Бакчачылык, җиләк-җимеш, яшелчә белән шөгыльләнү өчен дә программалар игълан итеп карадык, әмма соңыннан продукцияне урнаштыру белән киеренкелек туа. Дөрес, республикада киң мәйданда алма бакчалары, җиләк-җимеш мәйданнары тотучы, шуларны кооперативларга берләштерүче хуҗалыклар да бар. Әмма республика халкы, нигездә, терлекчелек белән шөгыльләнә", - диде Марат Әхмәтов.

Министр авыл халкының хезмәт хакы мәсьәләсенә дә кагылып узды.

“Авылларда хезмәт хакы проблемасы бар. Теләсә нинди предприятиедә, әгәр анда хезмәт куючыга вакытында түләмисең икән, бу – предприятенең җимерелүенә китерә. Чөнки кеше эшкә килә, ә җигелеп эшләми. Хезмәт хакы алмагач, ул анда эләктереп була торган әйберне чеметеп алып кайтырга мөмкин. Хезмәт хакы өлешен башка бернинди максатка да тотарга ярамый”, – диде министр.

Исегезгә төшерик, Марат Әхмәтов, алдарак, яшәү чыганагы кирәк икән, авыл җирендә терлек асрау – иң отышлы юл дип әйткән иде.

татар-информ

Фото: Николай Александров

 




Поделитесь с друзьями

© 2015-2018 Сетевое издание Сәхнә-Сцена.Все права защищены.

© ТАТМЕДИА. Все материалы, размещенные на сайте, защищены законом. Перепечатка, воспроизведение и распространениев любом объеме информации, размещенной на сайте, возможна при наличии гиперссылки или с письменного согласия редакций СМИ.

Создано при поддержке Республиканского агентства по печати и массовым коммуникациям РТ.

Наименование СМИ: Сәхнә-Сцена (sahne.ru). Сайт зарегистрирован ФЕДЕРАЛЬНОЙ СЛУЖБОЙ ПО НАДЗОРУ В СФЕРЕ СВЯЗИ, ИНФОРМАЦИОННЫХ ТЕХНОЛОГИЙ И МАССОВЫХ КОММУНИКАЦИЙ (РОСКОМНАДЗОР). Свидетельство о регистрации СМИ ЭЛ № ФС77 – 69870 от 29.05.2017 г.

Учредитель СМИ: АО «ТАТМЕДИА». Адрес: 420066, Татарстан, г. Казань, ул. Декабристов д. 2

Адрес редакции: 420066, Татарстан, г. Казань, ул. Декабристов д. 2, 7 этаж.Телефон редакции +7 (843) 222-05-40 (1610), e-mail: saxna@mail.ru .

Главный редактор: Хуснутдинов Зиннур Зиятдинович (Зиннур Хуснияр).

О фактах коррупции просим сообщать по адресу saxna@mail.ru .

Антикоррупционная политика

Политика о персональных данных

Настоящий ресурс может содержать материалы 12+