Реклама

Вторник, 13 февраля 2018 10:40 // Прочитано 640 раз

Авылда яшәп, бала табучы хатыннарга 50 һәм 100 мең сум күләмендә акча биреләчәк

(Казан, 13 февраль, "Татар-информ", Чулпан Шакирова). Татарстанда яшәүче авыл хатын-кызлары өчен өстәмә түләүләр кертелә. Авылда өч ел яшәп, беренче һәм өченче баласын тапкан хатыннар республиканың яңа төр өстәмә түләвенә ия була. Бу хакта бүген Социаль яклау министры Эльмира Зарипова Министрлар Кабинетында узган брифингта хәбәр итте.

Карарны Татарстан Республикасы Президенты Рөстәм Миңнеханов 9 февраль көнне имзалаган.

"Авылда яшәп, беренче баласын 25 яшькәчә  тапкан хатын-кызлар - 50, өченче баласын 28 яшькәчә тудырган әниләр 100 мең сум өстәмә түләүгә дәгъва кыла ала. Ике очракта да төп шарт булып, хатын-кызның авылда өч ел яшәве тора", - диде министр.

Әлеге категориягә караган хатын-кызлар, 2018 елның 1 гыйнварыннан соң бала тапкан булса, социаль яклау бүлекчәләренә 6 ай дәвамында мөрәҗәгать итә ала. Гариза 10 көн эчендә карала.

"Бүген шәһәрдә 28-29 яшьтә беренче бала табалар. Бу - бик соң. Икенче баласын кайчан таба соң ул? Безнең әниләр беренче баланы 23 яшьтә тудырса да, соңга калган саналган. Әбиләр турында әйтмим дә инде", - диде Эльмира Зарипова.

Министр сүзләренчә, алда әйтелгән категорияләргә туры килеп, авыл җирендә узган ел беренче баласын - 2020, өченче баласын 400гә якын әни тапкан.

"Шушы саннарга карап, яңа төр түләүләргә ничә кеше дәгъва кыласын белеп була", - дип искәртте ул.

татар-информ




Поделитесь с друзьями

Добавить комментарий

Защитный код
Обновить

Игъланнар тактасы

Конкурслар

Филиал АО «ТАТМЕДИА» Редакция журнала «Сәхнә»

Учредитель СМИ: АО «ТАТМЕДИА». Сайт зарегистрирован ФЕДЕРАЛЬНОЙ СЛУЖБОЙ ПО НАДЗОРУ В СФЕРЕ СВЯЗИ, ИНФОРМАЦИОННЫХ ТЕХНОЛОГИЙ И МАССОВЫХ КОММУНИКАЦИЙ (РОСКОМНАДЗОР). Свидетельство о регистрации СМИ ЭЛ № ФС77 – 69870 от 29.05.2017 г.

Адрес редакции: 420066, Татарстан, г. Казань, ул. Декабристов д. 2
Телефон редакции +7 (843) 222-05-40 (16-10), e-mail: saxna@mail.ru

Режим работы: Понедельник–пятница с 9.00 до 18:00. Выходные: суббота, воскресенье.
Главный редактор: Хуснутдинов Зиннур Зиятдинович

Частичное или полное воспроизведение материалов журнала «Сәхнә» или сайта sahne.ru возможно только при наличии гиперссылки. 

© 2011 - 2018. Журнал «СӘХНӘ» . Все права защищены.
© ТАТМЕДИА. Все материалы, размещенные на сайте, защищены законом. Перепечатка, воспроизведение и распространение
в любом объеме информации, размещенной на сайте, возможна только с письменного согласия редакций СМИ.
Создано при поддержке Республиканского агентства по печати и массовым коммуникациям РТ

Политика о персональных данных

12+