Четверг, 15 февраля 2018 09:48 // Прочитано 361 раз

Айдар Галимов Хәния Фәрхи турында: Хәния, син үтмәгән юлларны үтәсе бар

(Казан, 15 февраль, “Татар-информ”). Татарстанның һәм Башкортстанның халык артисты Айдар Галимов Хәния Фәрхинең иҗади эшчәнлеген дәвам итәргә теләвен әйтте. Бу хакта ул “Татар-информ” мәгълүмат агентлыгына биргән интервьюсында белдерде.

Хәния Фәрхине югалтуны җырчы бик авыр кичерүен әйтте. “Алдагы иҗат гомеремдә, Алла бирсә, ул эшләмәгән эшләрне, ул үтмәгән юлларны, ул табып өлгермәгән тамашачыларны табарга язсын. Җырларым, эшчәнлегем белән аның исемен тагын да кабатларга һәм аның уйларын, теләкләрен, аның образын, эшчәнлеген, аның исемен югалтмас өчен ниндидер роль уйныйсы килә”, - диде ул.

Айдар Галимов бу карарны Хәния Фәрхине озатканда кабул иткән. Ул җырчыны соңгы юлга озатканда әйткән сүзләрен искә төшерде. “Хәния, син җырламаган җырларны, син эшләмәгән эшләрне, син үтмәгән юлларны әле үтәсе бар. Үзебез өчен генә түгел, синең өчен дә үтәсе бар». Шул сүзгә тугры калырга язсын, дип тә белдерде җырчы.

Җырчы сүзләренчә, Хәния Фәрхи булмагач, аның җырлары бөтенләй башкача яңгырый. Хәния үзе исән булганда ни өчен без аларны аңламадык икән, ди җырчы Айдар Галимов.

Искәртеп үтик, Татарстанның һәм Башкортстанның халык артисты Хәния Фәрхи 2017 елның 27 июлендә, йөрәге тоту сәбәпле, туган ягында – Башкортстанның Тәтешле районында вафат булды.

татар-информ

Фото: Александр Эшкинин

 




Поделитесь с друзьями

© 2015-2018 Сетевое издание Сәхнә-Сцена.Все права защищены.

© ТАТМЕДИА. Все материалы, размещенные на сайте, защищены законом. Перепечатка, воспроизведение и распространениев любом объеме информации, размещенной на сайте, возможна при наличии гиперссылки или с письменного согласия редакций СМИ.

Создано при поддержке Республиканского агентства по печати и массовым коммуникациям РТ.

Наименование СМИ: Сәхнә-Сцена (sahne.ru). Сайт зарегистрирован ФЕДЕРАЛЬНОЙ СЛУЖБОЙ ПО НАДЗОРУ В СФЕРЕ СВЯЗИ, ИНФОРМАЦИОННЫХ ТЕХНОЛОГИЙ И МАССОВЫХ КОММУНИКАЦИЙ (РОСКОМНАДЗОР). Свидетельство о регистрации СМИ ЭЛ № ФС77 – 69870 от 29.05.2017 г.

Учредитель СМИ: АО «ТАТМЕДИА». Адрес: 420066, Татарстан, г. Казань, ул. Декабристов д. 2

Адрес редакции: 420066, Татарстан, г. Казань, ул. Декабристов д. 2, 7 этаж.Телефон редакции +7 (843) 222-05-40 (1610), e-mail: saxna@mail.ru .

Главный редактор: Хуснутдинов Зиннур Зиятдинович (Зиннур Хуснияр).

О фактах коррупции просим сообщать по адресу saxna@mail.ru .

Антикоррупционная политика

Политика о персональных данных

Настоящий ресурс может содержать материалы 12+