Реклама

Пятница, 16 февраля 2018 11:17 // Прочитано 314 раз

Рус телле балаларга татар телен өйрәтүче яңа дәреслекләр комик персонажлар белән бизәлгән

(Казан, 16 февраль, “Татар-информ”, Чулпан Шакирова). Рус телле балаларга татар телен өйрәтү өчен тәкъдим ителгән “Сәлам” уку-укыту методик әсбаплар бизәлешендә һәм материалларның бирелешендә балалар күреп өйрәнгән комик персонажларның рәсемнәре кулланылган. "Балаларның игътибарын текстлар, кагыйдәләр генә түгел, рәсемнәр, төсләр дә җәлеп итәргә тиеш", - дип аңлатты "Татар-информ" хәбәрчесенә дәреслекләрне бизәгән “Теория” дизайн-студиясе җитәкчесе Илдар Әюпов.

"Дәреслекләрне чит ил китапларына, инглиз дәреслекләренә карап эшләдек. 1 сыйныфлар өчен дәреслек гел рәсемнәрдән генә тора. Бу уен формасы. Ул балаларда телгә мәхәббәт уята. 2 сыйныфлар дәреслегендә текстлар булса да, алар иллюстрацияләр белән бизәлгән. 3, 4 сыйныфта аңлауны камилләштерү өчен текстлар фото-видео материаллар белән бирелә", - дип сөйләде Әюпов.

“Дәреслекләрне бизәгәндә конкрет төсләргә тукталдык. Сары икән - сары, яшел икән - яшел, аларның ниндидер төсмерләре кулланылмады. Кеше рәсемнәрен ясаганда, балаларга мультфильмнар аша таныш комик геройларны алдык”, - диде дизайн студиясе җитәкчесе.

Әлеге проектны гамәлгә ашыру юнәлешендә 30 кешедән торган коллектив эшләгән. "Бер китап тышлыгын ясау өчен бер көн вакыт китә. Ә бер китапны бизәү өчен бер ел кирәк булды. Китап тышлыгына китап эчтәлегенә кертелгән персонажларны чыгардык. Ул балаларны тиз җәлеп итә”, - диде Илдар Әюпов.

"Сәлам" дәреслеген бизәү - студиянең дәреслек ясауда беренче генә тәҗрибәсе түгел. “Инглиз укучылары өчен татар теле эшләгән идек. Кызганычка, ул басылып чыкмады”, - диде Әюпов.

“Сәлам” - Татарстан Мәгариф һәм фән министрлыгы гамәлгә куйган проект, яңа буын дәреслек комплекты. Аның үзенчәлеге - коммуникатив методикага, сөйләшүгә, аралашуга, татар теленә игътибарны җәлеп итү. "Сәлам" методикасы төп игътибарны уенга юнәлтә. 

татар-информ




Поделитесь с друзьями

Добавить комментарий

Защитный код
Обновить

Игъланнар тактасы

Конкурслар

Филиал АО «ТАТМЕДИА» Редакция журнала «Сәхнә»

Учредитель СМИ: АО «ТАТМЕДИА». Сайт зарегистрирован ФЕДЕРАЛЬНОЙ СЛУЖБОЙ ПО НАДЗОРУ В СФЕРЕ СВЯЗИ, ИНФОРМАЦИОННЫХ ТЕХНОЛОГИЙ И МАССОВЫХ КОММУНИКАЦИЙ (РОСКОМНАДЗОР). Свидетельство о регистрации СМИ ЭЛ № ФС77 – 69870 от 29.05.2017 г.

Адрес редакции: 420066, Татарстан, г. Казань, ул. Декабристов д. 2
Телефон редакции +7 (843) 222-05-40 (16-10), e-mail: saxna@mail.ru

Режим работы: Понедельник–пятница с 9.00 до 18:00. Выходные: суббота, воскресенье.
Главный редактор: Хуснутдинов Зиннур Зиятдинович

Частичное или полное воспроизведение материалов журнала «Сәхнә» или сайта sahne.ru возможно только при наличии гиперссылки. 

© 2011 - 2018. Журнал «СӘХНӘ» . Все права защищены.
© ТАТМЕДИА. Все материалы, размещенные на сайте, защищены законом. Перепечатка, воспроизведение и распространение
в любом объеме информации, размещенной на сайте, возможна только с письменного согласия редакций СМИ.
Создано при поддержке Республиканского агентства по печати и массовым коммуникациям РТ

Политика о персональных данных

12+