Пятница, 16 февраля 2018 13:50 // Прочитано 439 раз

Казанда беренче татар мөселман кызлар уку йорты ачылачак

(Казан, 16 февраль, “Татар-информ”, Чулпан Шакирова). Казанда беренче татар мөселман кызлар гимназиясе ачылачак. Бу хакта “Татар-информ” хәбәрчесенә Татарстан мөфтие Камил хәзрәт Сәмигуллин әйтте.

“Татар теленә игътибар юнәлтү, кызларны мөселманча тәрбияләү максатыннан, элеккеге “Мозаффария” мәдрәсәсе бинасында өр-яңа уку йорты ачарга ниятлибез. Ул “Мозаффария” исемен йөртүче татар кызлар мәктәбе яки лицее булыр. Әлегә төгәл формасы юк. Юридик-хокукый документлары әлегә әзер түгел. Бинага кагылышлы сораулар белән дә, юридик мәсьәләләр белән дә шөгыльләнүче кешеләр бар”, - диде Камил хәзрәт Сәмигуллин.

Мөфти сүзләренчә, уку йортына кызларны 1 сыйныфка җыячаклар.

“Укыту фәкать татар телендә генә булыр, дип өметләнәбез. Ниятебез - гуманитар фәннәрне дә, төгәл фәннәрне дә татарча гына укыту. Факультатив рәвештә, дин дәресләре дә булачак”, - диде мөфти.

Камил хәзрәт Сәмигуллин сүзләренчә, уку йорты сентябрьдән ачылыр, дип ниятләнә. Әмма бинага шактый гына ремонт кирәк.

“Бинаның мәйданы зур түгел, шуңа күрә әлегә бер генә класс җыелыр. Кызларны беренче сыйныфка укырга алып, 11 сыйныфка кадәр укытып чыгару ниятебез”, - ди мөфти.

“Татар-информ” хәбәрчесенең “Бер сыйныфка ничә бала алырга уйлыйсыз?” дигән соравына, мөфти: “Бу хакта уйламадык әле”, дип җавап бирде. 

татар-информ

Фото: Салават Камалетдинов

 




Поделитесь с друзьями

© 2015-2018 Сетевое издание Сәхнә-Сцена.Все права защищены.

© ТАТМЕДИА. Все материалы, размещенные на сайте, защищены законом. Перепечатка, воспроизведение и распространениев любом объеме информации, размещенной на сайте, возможна при наличии гиперссылки или с письменного согласия редакций СМИ.

Создано при поддержке Республиканского агентства по печати и массовым коммуникациям РТ.

Наименование СМИ: Сәхнә-Сцена (sahne.ru). Сайт зарегистрирован ФЕДЕРАЛЬНОЙ СЛУЖБОЙ ПО НАДЗОРУ В СФЕРЕ СВЯЗИ, ИНФОРМАЦИОННЫХ ТЕХНОЛОГИЙ И МАССОВЫХ КОММУНИКАЦИЙ (РОСКОМНАДЗОР). Свидетельство о регистрации СМИ ЭЛ № ФС77 – 69870 от 29.05.2017 г.

Учредитель СМИ: АО «ТАТМЕДИА». Адрес: 420066, Татарстан, г. Казань, ул. Декабристов д. 2

Адрес редакции: 420066, Татарстан, г. Казань, ул. Декабристов д. 2, 7 этаж.Телефон редакции +7 (843) 222-05-40 (1610), e-mail: saxna@mail.ru .

Главный редактор: Хуснутдинов Зиннур Зиятдинович (Зиннур Хуснияр).

О фактах коррупции просим сообщать по адресу saxna@mail.ru .

Антикоррупционная политика

Политика о персональных данных

Настоящий ресурс может содержать материалы 12+