Среда, 21 февраля 2018 10:36 // Прочитано 501 раз

Әлмәт театры Казан гастрольләрен реалити-шоулы спектакль белән япты

(Казан, 21 февраль, "Татар-информ", Рузилә Мөхәммәтова). Әлмәт татар дәүләт драма театры Казан гастрольләрен Илгиз Зәйниевнең “Хыял йорты” спектакле белән төгәлләде. Кичә реалити-шоулы комедия Тинчурин театры сәхнәсендә күрсәтелде. “Хыял йорты” комедиясе “Кече шәһәр театрлары” федераль проекты кысаларында куелды һәм тиз арада популяр спектакльгә әверелде.

Тамашачы зал тутырып килгән иде – спектакль аншлаг белән үтте. Илгиз Зәйниевның чираттагы премьерасын күрергә аның хезмәттәшләре – Камал театры директоры Илфир Якуповтан башлап, театрның иң яшь артистларына кадәр килгән.

Әлмәт театрының әлеге комедиясе татар сәхнәсендә еш кулланылган һәм кимендә һәрберсе егермешәр ел барган “дүрт кыз-дүрт егет” стандартлары буенча эшләнгән. Шундыйлардан Тинчурин театрында Туфан Миңнуллинның “Ак тәүбә, кара тәүбә”се яңартып куелды – биредә шәһәр егетләре авылга шабашкага кайталар. Тагын бер шушы традицияне дәвам иткән комедия – Мансур Гыйләҗевнең “Казан егетләре” һәм “Тагын Казан егетләре”. Биредә дә шәһәр егетләре авылга килеп эләгәләр. Илгиз Зәйниев үзе язып үзе куйган комедиясендә авыл егетләре үз хыялларындагы кызлар белән реаль тормышта танышалар.

Сюжеты буенча, Салават исемле яшь эшмәкәр урман уртасындагы иске лагерь бинасын сатып ала һәм кыргый шартларда реалити-шоу оештыра. Кастинг узган дүрт кыз биредә тәүлек әйләнәсе күзәтү астында яшәргә тиеш була. Әмма әлеге уен Салават тарафыннан корылган хәйлә булып чыга – ул үз дуслары яраткан, алар хыялында йөрткән кызларны җыя һәм танышып дуслашу мөмкинлеге тудыра.

Комедиядә театрның яшь артистлары уйный. Спектакльдән соң артистлар Казанга елга бер гастрольләрнең аз булуын, ике тапкыр үткәрү кирәклеген әйттеләр.

татар-информ




Поделитесь с друзьями

© 2015-2018 Сетевое издание Сәхнә-Сцена.Все права защищены.

© ТАТМЕДИА. Все материалы, размещенные на сайте, защищены законом. Перепечатка, воспроизведение и распространениев любом объеме информации, размещенной на сайте, возможна только при наличии письменного согласия редакций СМИ.

Создано при поддержке Республиканского агентства по печати и массовым коммуникациям РТ.

Наименование СМИ: Сәхнә-Сцена (sahne.ru). Сайт зарегистрирован ФЕДЕРАЛЬНОЙ СЛУЖБОЙ ПО НАДЗОРУ В СФЕРЕ СВЯЗИ, ИНФОРМАЦИОННЫХ ТЕХНОЛОГИЙ И МАССОВЫХ КОММУНИКАЦИЙ (РОСКОМНАДЗОР). Свидетельство о регистрации СМИ ЭЛ № ФС77 – 69870 от 29.05.2017 г.

Учредитель СМИ: АО «ТАТМЕДИА». Адрес: 420066, Татарстан, г. Казань, ул. Декабристов д. 2

Адрес редакции: 420066, Татарстан, г. Казань, ул. Декабристов д. 2, 7 этаж.Телефон редакции +7 (843) 222-05-40 (1610), e-mail: saxna@mail.ru .

Главный редактор: Хуснутдинов Зиннур Зиятдинович (Зиннур Хуснияр).

О фактах коррупции просим сообщать по адресу saxna@mail.ru .

Антикоррупционная политика

Политика о персональных данных

Настоящий ресурс может содержать материалы 12+