Реклама

Среда, 21 февраля 2018 13:09 // Прочитано 249 раз

Камал театрында татар театры белән мәктәп багланышлары турында фикер алыштылар

(Казан, 21 февраль, "Татар-информ", Рузилә Мөхәммәтова). Камал театрында театр белән мәктәп системасының багланышлары һәм хезмәттәшлек перспективалары хакында җитди сөйләшү булды. Камал театры җитәкчелеге Казан федераль университет белән берлектә "Театраль педагогика алымнары ярдәмендә укытучыларны һөнәри-этик әзерләү" халыкара фәнни-методик семинар оештырды. Педагогик лабораториядә 300ләп педагогик хезмәткәр катнашты.

Семинарны Камал театры директоры Илфир Якупов ачып җибәрде. Ул театрның бик актив рәвештә мәктәпләр белән эшли башлавын, әмма, ни кызганыч, кайбер мәктәп җитәкчеләренең артистларны кабул итәргә теләмәвен әйтте: "Безнең килүебез мәктәпләрдән бернинди финанс чыгымнар сорамый. Безнең артистлар килә һәм очрашу ясый - шул гына, - диде ул. - Без бу семинарларны еш уздырачакбыз һәм иң пассив мәктәпләргә дә барып җитәчәкбез. Илфир Якупов театр технологияләрен белгән укытучыга бала күңеленә барып җитү җиңелрәк булачагына ышаныч белдерде һәм үзләренең бу алымнар белән бүлешергә әзер булуларын билгеләп үтте.

Катнашучыларны Казан мәгариф идарәсенең методик үзәге директоры Роза Шәяхмәтова сәламләде. Семинарны оештыручыларның берсе Әнвәр Хаҗиәхмәтов педагогларны активрак булырга чакырды. Казан рус яшь тамашачы театры директоры Айгөл Горнышева театрның мәктәп белән эшләү алымнары һәм перспективалар турында сөйләде.

Татарстан районнарының белем бирү оешмалары җитәкчеләре, оештыручы педагоглар, сыйныф җитәкчеләре, аспирантлар алдында Камал театрының баш рәссамы Сергей Скоморохов, театрның музыка бүлеге мөдире Фуат Әбүбәкеров, театрның әдәби бүлек мөдире Нияз Игъламовлар чыгыш ясады. Семинарда Гавана университетының кафедра мөдире Орландо Габриэль Карденаз Фернандес, Индонезия Республикасы магистранты Чендана Виненсия Лефрианита катнаша. Алар мәгариф системасында театраль педагогиканың әһәмияте турында чыгышлар әзерләгәннәр.

Семинар кичке 18.00 сәгатькә кадәр барачак һәм соңыннан катнашучылар Илгиз Зәйниев пьесасы буенча куелган "Әрем исе" спектаклен караячаклар. 

татар-информ

Фото: Александр Эшкинин

 




Поделитесь с друзьями

Добавить комментарий

Защитный код
Обновить

Игъланнар тактасы

Конкурслар

Филиал АО «ТАТМЕДИА» Редакция журнала «Сәхнә»

Учредитель СМИ: АО «ТАТМЕДИА». Сайт зарегистрирован ФЕДЕРАЛЬНОЙ СЛУЖБОЙ ПО НАДЗОРУ В СФЕРЕ СВЯЗИ, ИНФОРМАЦИОННЫХ ТЕХНОЛОГИЙ И МАССОВЫХ КОММУНИКАЦИЙ (РОСКОМНАДЗОР). Свидетельство о регистрации СМИ ЭЛ № ФС77 – 69870 от 29.05.2017 г.

Адрес редакции: 420066, Татарстан, г. Казань, ул. Декабристов д. 2
Телефон редакции +7 (843) 222-05-40 (16-10), e-mail: saxna@mail.ru

Режим работы: Понедельник–пятница с 9.00 до 18:00. Выходные: суббота, воскресенье.
Главный редактор: Хуснутдинов Зиннур Зиятдинович

Частичное или полное воспроизведение материалов журнала «Сәхнә» или сайта sahne.ru возможно только при наличии гиперссылки. 

© 2011 - 2018. Журнал «СӘХНӘ» . Все права защищены.
© ТАТМЕДИА. Все материалы, размещенные на сайте, защищены законом. Перепечатка, воспроизведение и распространение
в любом объеме информации, размещенной на сайте, возможна только с письменного согласия редакций СМИ.
Создано при поддержке Республиканского агентства по печати и массовым коммуникациям РТ

Политика о персональных данных

12+