Реклама

Среда, 21 февраля 2018 14:04 // Прочитано 219 раз

Сигез томлык “Татар әдәбияты тарихы” рус теленә тәрҗемә ителә

(Казан, 20 февраль, “Татар-информ”, Динә Йосыпова). Сигез томлык “Татар әдәбияты тарихы” рус теленә тәрҗемә ителүе хакында бүген «Татар-информ» мәгълүмат агентлыгында узган конференциядә Татарстан Республикасы Фәннәр академиясенең вице-президенты Дания Заһидуллина хәбәр итте.

“Татар әдәбияты тарихын рус теленә тәрҗемә итеп, рус укучысына җиткерү нияте бар, чөнки ул томнар рус теле укучысына да барып җитәргә тиеш. Татар әдәбияты тарихы татар телендә генә калса, ул татар әдәбиятын башка милләтләргә күрсәтергә мөмкинлек бирмиячәк”, - диде Дания Заһидуллина.

Татар телен белмәгән һәр кеше дә үзенең мәдәнияте турында мәгълүматлы булырга тиеш. Бу рус телендәге томнар фән үсеше өчен дә, мәктәпләр һәм югары уку йортлары өчен дә бик кирәк. Шуннан чыгып, татар әдәбияты тарихын рус теле укучысына тәкъдим итү турында сүз алып барыла.

Сигез томлык “Татар әдәбияты тарихы” Татарстан Хөкүмәтенең бурычы буларак, “2014-2020 елларга Татарстан Республикасы дәүләт телләрен һәм Татарстан Республикасында башка телләрне саклау, өйрәнү һәм үстеру” дәүләт программасы нигезендә тормышка ашырыла.

Сигезтомлык түбәндәгечә бүленә:

1 том – борынгы чорлардан XV гасырга кадәр,

2 том – XV-XVI гасырлардан XVIII гасыр ахырына кадәр,

3 том – XIX гасыр,

4 том – XX гасыр башы,

5 том – 1917-1956 еллар,

6 том – 1956-1985 еллар,

7 том – 1986 елдан гасыр ахырына кадәр,

8 том – XXI гасыр башы.

Һәр елны бер том исәбеннән (6 том – 2018, 7 том – 2019, 8 том - 2020) сигезтомлыкны 2020 елга әзерләп, укучылар кулына тапшыру күздә тотыла.

Бүгенге көндә 1-5 томнар басылып чыкты. Китапларның тиражы – 1500 данә. Аларны китапханәләрдән, мәктәп-гимназияләрдән, югары уку-йортларыннан табарга мөмкин.
 

татар-информ

Фото: Салават Камалетдинов

 




Поделитесь с друзьями

Добавить комментарий

Защитный код
Обновить

Игъланнар тактасы

Конкурслар

Филиал АО «ТАТМЕДИА» Редакция журнала «Сәхнә»

Учредитель СМИ: АО «ТАТМЕДИА». Сайт зарегистрирован ФЕДЕРАЛЬНОЙ СЛУЖБОЙ ПО НАДЗОРУ В СФЕРЕ СВЯЗИ, ИНФОРМАЦИОННЫХ ТЕХНОЛОГИЙ И МАССОВЫХ КОММУНИКАЦИЙ (РОСКОМНАДЗОР). Свидетельство о регистрации СМИ ЭЛ № ФС77 – 69870 от 29.05.2017 г.

Адрес редакции: 420066, Татарстан, г. Казань, ул. Декабристов д. 2
Телефон редакции +7 (843) 222-05-40 (16-10), e-mail: saxna@mail.ru

Режим работы: Понедельник–пятница с 9.00 до 18:00. Выходные: суббота, воскресенье.
Главный редактор: Хуснутдинов Зиннур Зиятдинович

Частичное или полное воспроизведение материалов журнала «Сәхнә» или сайта sahne.ru возможно только при наличии гиперссылки. 

© 2011 - 2018. Журнал «СӘХНӘ» . Все права защищены.
© ТАТМЕДИА. Все материалы, размещенные на сайте, защищены законом. Перепечатка, воспроизведение и распространение
в любом объеме информации, размещенной на сайте, возможна только с письменного согласия редакций СМИ.
Создано при поддержке Республиканского агентства по печати и массовым коммуникациям РТ

Политика о персональных данных

12+