Вторник, 27 февраля 2018 10:59 // Прочитано 367 раз

Татаристика һәм тюркология югары мәктәбе остазлары хөрмәтенә конференция уздыра

(Казан, 27 февраль, “Татар-информ”, Гөлнар Гарифуллина). Казан федераль университетының Габдулла Тукай исемендәге Татаристика һәм тюркология югары мәктәбе апрель аенда узачак зур чараларга әзерләнә. Бу хакта “Татар-информ” агентлыгында узган матбугат очрашуында билгеле булган иде.

Габдулла Тукай исемендәге Татаристика һәм тюркология югары мәктәбе директоры Әлфия Йосыпова апрельдә “Дөньякүләм тюркология һәм Казан университеты” дип исемләнгән конференция узачагын әйтте.

“Конференциянең төп максаты – үзебездә эшләп киткән галимнәребезне искә алу. 2018 елда зур галимнәребезнең юбилей еллары. Хатыйп Госманның тууына 110 ел, Алмазия Нуриевага 90 ел, Мирфатыйх Зәкиевка 90 яшь, остазыбыз Флюра Садриевага, исән булса, 80 булыр иде, Тәлгать Галиуллинга 80, Рүзәл Йосыповка 80 яшь. Барлык остазларыбызның юбилейлары хөрмәтенә шушы конференцияне үткәрергә уйладык. Әлбәттә, татар һәм башка төрки телләрнең бик күп аспектлары карала. Ләкин мин санаган шәхесләргә багышлап, аерым секцияләр оештырылачак, докладлар укылачак”, - дип белдерде Әлфия Йосыпова.

Шулай ук, ул Төркиянең Конья шәһәрендәге Сәлҗүк университеты тарафыннан кызыклы тәкъдим килеп ирешкәнен әйтте. “Алар белән берлектә, “Төрки тарих, сәнгать һәм фольклор” дип аталган конференция уздырылачак. Татарның тарихына, сәнгатенә, фольклорына караган докладлар белән татар галимнәре актив катнашыр дигән өметтә калабыз. Бу конференцияне махсус Габдулла Тукайның туган көненә билгеләдек. Бу көннәрдә Гаяз Исхакыйның да юбилей конференцияләре булачак. 25, 26, 27, 28 апрель көннәрендә татар тормышы вакыйгаларга бай булыр дип өметләнәбез”, - диде Әлфия Йосыпова.

татар-информ

Фото: Султан Исхаков

 



Поделитесь с друзьями

© 2015-2018 Сетевое издание Сәхнә-Сцена.Все права защищены.

© ТАТМЕДИА. Все материалы, размещенные на сайте, защищены законом. Перепечатка, воспроизведение и распространениев любом объеме информации, размещенной на сайте, возможна при наличии гиперссылки или с письменного согласия редакций СМИ.

Создано при поддержке Республиканского агентства по печати и массовым коммуникациям РТ.

Наименование СМИ: Сәхнә-Сцена (sahne.ru). Сайт зарегистрирован ФЕДЕРАЛЬНОЙ СЛУЖБОЙ ПО НАДЗОРУ В СФЕРЕ СВЯЗИ, ИНФОРМАЦИОННЫХ ТЕХНОЛОГИЙ И МАССОВЫХ КОММУНИКАЦИЙ (РОСКОМНАДЗОР). Свидетельство о регистрации СМИ ЭЛ № ФС77 – 69870 от 29.05.2017 г.

Учредитель СМИ: АО «ТАТМЕДИА». Адрес: 420066, Татарстан, г. Казань, ул. Декабристов д. 2

Адрес редакции: 420066, Татарстан, г. Казань, ул. Декабристов д. 2, 7 этаж.Телефон редакции +7 (843) 222-05-40 (1610), e-mail: saxna@mail.ru .

Главный редактор: Хуснутдинов Зиннур Зиятдинович (Зиннур Хуснияр).

О фактах коррупции просим сообщать по адресу saxna@mail.ru .

Антикоррупционная политика

Политика о персональных данных

Настоящий ресурс может содержать материалы 12+