Вторник, 27 февраля 2018 14:14 // Прочитано 520 раз

Икенче яки өченче баласы туган гаиләләргә 6 процентлы кредит бирелә

(Казан, 26 февраль, “Татар-информ”, Гөлнар Гарифуллина). 2018-2021 елларда икенче яки өченче баласы туган гаиләләр, торак шартларын яхшырту өчен, ташламалы кредит шартларыннан файдалана алачак. Кредит акчасы еллык 6 процент ставка буенча бирелә. Бу хакта бүген “Татар-информ” мәгълүмат агентлыгында узган матбугат конференциясендә Россия Пенсия фонды Татарстан буенча Пенсия бүлегенең социаль түләүләр бүлеге башлыгы Гөлсинә Сабирова хәбәр итте.

Кредитның ташламалы шартлары ана капиталы программасы белән турыдан-туры бәйле булмаса да, бу, балалы гаиләләргә ярдәм буенча дәүләт тарафыннан мөһим адым, ди белгечләр. Еллык 6 процент ставкалы ипотека кредитларын фатир яки йорт, өлешләп төзелештә катнашу килешүе буенча төзелә торган торак сатып алуга файдаланып була.

Татарстан буенча Пенсия бүлеге идарәчесе урынбасары Асия Вәлиуллина әйтүенчә, ташламалы ипотеканы ана капиталы акчасы белән дә каплап булачак. Моның өчен балага өч яшь тулуны көтәргә кирәк тә түгел. Торак сатып алу өчен элек бирелгән кредит һәм займнарны да ташламалы ипотека акчасы белән түләргә була.

“Торак шартларын яхшырту – ана капиталына ия булучылар арасында иң өстенлеклесе. 2018 елда кредит алмыйча гына торак шартларын яхшыртуга 441 гариза тапшырылды. Кредитны ана капиталы акчасы белән каплау өчен 2559 гариза кабул ителде”, - диде Асия Вәлиуллина.

татар-информ

Фото: Султан Исхаков

 



Поделитесь с друзьями

© 2015-2018 Сетевое издание Сәхнә-Сцена.Все права защищены.

© ТАТМЕДИА. Все материалы, размещенные на сайте, защищены законом. Перепечатка, воспроизведение и распространениев любом объеме информации, размещенной на сайте, возможна при наличии гиперссылки или с письменного согласия редакций СМИ.

Создано при поддержке Республиканского агентства по печати и массовым коммуникациям РТ.

Наименование СМИ: Сәхнә-Сцена (sahne.ru). Сайт зарегистрирован ФЕДЕРАЛЬНОЙ СЛУЖБОЙ ПО НАДЗОРУ В СФЕРЕ СВЯЗИ, ИНФОРМАЦИОННЫХ ТЕХНОЛОГИЙ И МАССОВЫХ КОММУНИКАЦИЙ (РОСКОМНАДЗОР). Свидетельство о регистрации СМИ ЭЛ № ФС77 – 69870 от 29.05.2017 г.

Учредитель СМИ: АО «ТАТМЕДИА». Адрес: 420066, Татарстан, г. Казань, ул. Декабристов д. 2

Адрес редакции: 420066, Татарстан, г. Казань, ул. Декабристов д. 2, 7 этаж.Телефон редакции +7 (843) 222-05-40 (1610), e-mail: saxna@mail.ru .

Главный редактор: Хуснутдинов Зиннур Зиятдинович (Зиннур Хуснияр).

О фактах коррупции просим сообщать по адресу saxna@mail.ru .

Антикоррупционная политика

Политика о персональных данных

Настоящий ресурс может содержать материалы 12+