Реклама

Вторник, 27 февраля 2018 11:32 // Прочитано 180 раз

Рәссам Байназар Әлменов Шүрәле образын кызы Ингага карап уйлап тапкан

(Казан, 26 февраль, “Татар-информ”, Динә Йосыпова). Татарстан китап нәшрияты Габдулла Тукайның “Шүрәле” һәм "Су анасы" китапларын рус һәм татар телләрендә бастырып чыгарды. Бу басмаларда рәссам Байназар Әлменов тудырган образлар урын алган.

Татарстан китап нәшриятының генераль директорының беренче урынбасары Айдар Гыймадиев “Татар-информ” хәбәрчесенә әйтүенчә, Татарстан АССРның атказанган сәнгать эшлеклесе Байназар Әлменов иҗат иткән рәсемнәр белән китап беренче тапкыр 1966 елда чыккан. “Моңарчы берничә тапкыр бастырылган бу социаль әһәмиятле китап дәүләт ярдәме белән тагын бер кат бастырылды. Безнеңчә, бу китап ниндидер код. Бәлки ул гендагы мәгълүматтыр. Һәм менә бу кодны безнең балаларга, киләсе буыннарга күчерәсе килә. Илдәге татар теленә кагылышлы гына хәлләрне алсак та, бу китапларның ихтыяҗы зур, чөнки бу китапларны хәтта чит илдә яшәүчеләр дә сорый. Байназар Әлменовның күрүе белән сурәтләнгән, ачылган Шүрәле образы буенча сәхнә әсәрләре дә куелды бит”, - дип хәбәр итте Айдар Гыймадиев.

Байназар Әлменовның кызы Инга Әлменова да “Татар-информ” хәбәрчесенә әтисенең иҗат юлы турында сөйләде. “Габдулла Тукайның әкиятләрен әти кечкенәдән үк кызыксынып укыды, яратты. Балачак вакытта ул гел урманга бара иде. Әти укыган авылдагы ямь-яшел урманның табигате аны хисләндергән. Шушы урманда йөргәндә, төрле образлар әтинең күз алдына килгән дә инде. Әти мин тугач, мин үскән чакларда, күбесенчә төнлә эшләде. Берсендә, мин әтидән Шүрәле турында сорарга булдым. Әти, уйнарга кеше булмаганда, Шүрәле ни эшли соң дигән минем соравыма, ул син үзең ничек уйлыйсың дип җавап бирде. Минемчә, ул үз-үзен кытыклый, үз-үзе белән уйный, дидем мин. Әти “Шүрәле булып уйнап күрсәт әле”, - диде. Шулай итеп, миңа карап, ул Шүрәле образын тудырган да инде. Мин, кыскасы, беренче үрнәк”, - диде Инга Әлменова.

Китапны Татарстан китап нәшриятының фирма кибетләреннән дә, Татар әдәбияты үзәгеннән дә алырга мөмкин.

татар-информ




Поделитесь с друзьями

Добавить комментарий

Защитный код
Обновить

Игъланнар тактасы

Конкурслар

Филиал АО «ТАТМЕДИА» Редакция журнала «Сәхнә»

Учредитель СМИ: АО «ТАТМЕДИА». Сайт зарегистрирован ФЕДЕРАЛЬНОЙ СЛУЖБОЙ ПО НАДЗОРУ В СФЕРЕ СВЯЗИ, ИНФОРМАЦИОННЫХ ТЕХНОЛОГИЙ И МАССОВЫХ КОММУНИКАЦИЙ (РОСКОМНАДЗОР). Свидетельство о регистрации СМИ ЭЛ № ФС77 – 69870 от 29.05.2017 г.

Адрес редакции: 420066, Татарстан, г. Казань, ул. Декабристов д. 2
Телефон редакции +7 (843) 222-05-40 (16-10), e-mail: saxna@mail.ru

Режим работы: Понедельник–пятница с 9.00 до 18:00. Выходные: суббота, воскресенье.
Главный редактор: Хуснутдинов Зиннур Зиятдинович

Частичное или полное воспроизведение материалов журнала «Сәхнә» или сайта sahne.ru возможно только при наличии гиперссылки. 

© 2011 - 2018. Журнал «СӘХНӘ» . Все права защищены.
© ТАТМЕДИА. Все материалы, размещенные на сайте, защищены законом. Перепечатка, воспроизведение и распространение
в любом объеме информации, размещенной на сайте, возможна только с письменного согласия редакций СМИ.
Создано при поддержке Республиканского агентства по печати и массовым коммуникациям РТ

Политика о персональных данных

12+