Реклама

Вторник, 27 февраля 2018 12:24 // Прочитано 125 раз

Мансур Гыйләҗев “Инкыйраз-таймер” уйлап табучыларны хуплады

(Казан, 27 февраль, “Татар-информ”, Гөлнар Гарифуллина). Драматург Мансур Гыйләҗев Интернетта барлыкка килгән “Инкыйраз-таймер”га карата үз фикерен белдерде.

Әлеге проектның авторы – татар программисты, милли проектлар авторы Илдар Әюпов. “Инкыйраз-таймер” Гаяз Исхакыйның “Ике йөз елдан соң инкыйраз” әсәренә нигезләнеп ясалган. http://teorius.ru/timer/ сылтамасы белән кереп карасак, әлеге вакытта инкыйразга 85 ел да 10 ай һәм берничә сәгать калганын күрербез.

Илдар Әюпов уйлап чыгарган Инкыйраз-таймер Мансур Гыйләҗев күңеленә бик тә хуш килгән. “Бик шәп идея бу. Хуплыйм. Молодец. Бу дөрес, кызык адым. Бу безгә иманга кайтырга, телне югалтмаска ярдәм итә. Психологиягә тәэсир итә. Пауло Коэльоның “Вероника желает умереть” дигән әсәре бар бит. Теге кызга “син җиде көннән үләсең”, диләр. Кеше үлемнән куркып яши башлый. Менә монда да шушындый психологик тәэсир булырга тиеш. Безнең милләт тә 85 ел калганын белеп, ничек инде юкка чыгабыз, дип уйлана башлый. Минемчә, бу бик дөрес нәрсә”, - дип белдерде Мансур Гыйләҗев.

Әңгәмәдәш Гаяз Исхакыйның "Ике йөз елдан соң инкыйраз” әсәренә карата фикере белән уртаклашты. "Инкыйраз – ул бит кисәтү. Бер яктан ул кисәтү, икенче яктан шулкадәр объектив нигезе бар. Аны кисәтеп язган Гаяз Исхакый. Хәзер без акылга, иманга килмәсәк, милләтебезне югалтырга мөмкинбез. Инкыйраз идеясе бик көчле. Аны зур дәрәҗәле кеше Исхакый гына яза алган. Хәзер башка берәр кеше язса, аны чукып бетерерләр, милләткә каршы, дип юкка чыгарырлар иде. Исхакыйның милләтне саклап калу өчен борчылуын чагылдыра әсәр. Кайвакыт бит проблеманы чишәр өчен, кешене куркытырга кирәк. Кеше куркуыннан дөрес адымнар ясый башлый. Исхакый формасын да дөрес итеп тапкан – һәр кешегә барып җитә торган итеп. Исеме дә нинди бит – Ике йөз елдан соң инкыйраз!"- ди Мансур Гыйләҗев.

"Татар-информ" Гаяз Исхакый фаразлаган Инкыйразга күпме вакыт калганын Интернетта белергә була, дип хәбәр иткән иде.

Мәгълүмат өчен. Татар классик язучысы Гаяз Исхакый 2102 елда татар халкының киләчәге турында кайгыртып «Ике йөз елдан соң инкыйраз» исемле әсәрен иҗат итә.

татар-информ

Фото: Султан Исхаков

 



Поделитесь с друзьями

Добавить комментарий

Защитный код
Обновить

Игъланнар тактасы

Конкурслар

Филиал АО «ТАТМЕДИА» Редакция журнала «Сәхнә»

Учредитель СМИ: АО «ТАТМЕДИА». Сайт зарегистрирован ФЕДЕРАЛЬНОЙ СЛУЖБОЙ ПО НАДЗОРУ В СФЕРЕ СВЯЗИ, ИНФОРМАЦИОННЫХ ТЕХНОЛОГИЙ И МАССОВЫХ КОММУНИКАЦИЙ (РОСКОМНАДЗОР). Свидетельство о регистрации СМИ ЭЛ № ФС77 – 69870 от 29.05.2017 г.

Адрес редакции: 420066, Татарстан, г. Казань, ул. Декабристов д. 2
Телефон редакции +7 (843) 222-05-40 (16-10), e-mail: saxna@mail.ru

Режим работы: Понедельник–пятница с 9.00 до 18:00. Выходные: суббота, воскресенье.
Главный редактор: Хуснутдинов Зиннур Зиятдинович

Частичное или полное воспроизведение материалов журнала «Сәхнә» или сайта sahne.ru возможно только при наличии гиперссылки. 

© 2011 - 2018. Журнал «СӘХНӘ» . Все права защищены.
© ТАТМЕДИА. Все материалы, размещенные на сайте, защищены законом. Перепечатка, воспроизведение и распространение
в любом объеме информации, размещенной на сайте, возможна только с письменного согласия редакций СМИ.
Создано при поддержке Республиканского агентства по печати и массовым коммуникациям РТ

Политика о персональных данных

12+