Четверг, 01 марта 2018 06:42 // Прочитано 211 раз

Рөстәм Миңнеханов: Паркларда тормыш кайнарга тиеш

(Казан, 28 февраль, “Татар-информ”, Гөлнар Гарифуллина). Татарстан Президенты Рөстәм Миңнеханов Казан парклары һәм скверлары керем китерергә, үз-үзләрен тәэмин итәрлек булырга тиеш дигән фикердә. Паркларны шәһәр бюджеты хисабына гына карап бетереп булмый, дип саный ул. Бу хакта ул бүген өченче чакырылыш Казан шәһәре Думасының 24 нче сессия утырышында белдерде.

“Паркларда тормыш кайнарга тиеш. Казансу яр буен алсак та, бер генә көнгә цирк берәр программа белән килсә дә... Ниндидер программалар кирәк. Мәдәни оешмалар, спорт мәктәпләре күп бит бездә”, - диде Рөстәм Миңнеханов. Ул бу мәсьәләләрне хәл итүдә Казанның Парк һәм скверлар дирекциясенә вәкаләтләр бирергә кирәктер, дигән фикерен җиткерде. “Җыештырып тору гына түгел, парктагы эшләрне тәртиптә тотарлык җитәкче, хуҗа да булырга тиеш. Бу эшләр үзәкләштерелгән рәвештә башкарылырга тиеш. Мин моны яхшы тәҗрибә булыр дип уйлыйм”, - диде Президент.

Казан шәһәре мэры Илсур Метшин докладыннан күренгәнчә, Казанда бүген гомуми мәйданы 367 гектар булган 140 парк һәм сквер бар. 2013 елдан 60 парк һәм сквер ямьләндерелгән. Мэр сүзләреннән аңлашылганча, быел тагын 8 паркк төзекләндереләчәк.

Сессиядә яшел зоналарны саклап калу мәсьәләсенә дә тукталдылар. Депутат Марат Бикмуллин агачларны кисеп корылмалар төзелү нәтиҗәсендә яшел зоналар кимүен билгеләп узды. “Яшел зоналарны, әлбәттә, сакларга, киңәйтергә кирәк. Соңгы елларда бездә җәмәгать киңлекләре программасы гамәлгә ашырыла, ул да яшел зоналар белән бәйле”, - диде Рөстәм Миңнеханов. Илсур Метшин яшел зоналарның шәһәрнең яңа генераль планында билгеләнәчәген әйтте. Мэр яңа Генплан буенча җәмәгать тыңлаулары узачагын, анда халык фикере дә исәпкә алыначагын белдерде. Илсур Метшин әйтүенчә, яңа генераль планда сакланырга тиешле табигый территорияләр билгеләнәчәк.

татар-информ

Фото: prav.tatarstan.ru

 



Поделитесь с друзьями

© 2015-2018 Сетевое издание Сәхнә-Сцена.Все права защищены.

© ТАТМЕДИА. Все материалы, размещенные на сайте, защищены законом. Перепечатка, воспроизведение и распространениев любом объеме информации, размещенной на сайте, возможна при наличии гиперссылки или с письменного согласия редакций СМИ.

Создано при поддержке Республиканского агентства по печати и массовым коммуникациям РТ.

Наименование СМИ: Сәхнә-Сцена (sahne.ru). Сайт зарегистрирован ФЕДЕРАЛЬНОЙ СЛУЖБОЙ ПО НАДЗОРУ В СФЕРЕ СВЯЗИ, ИНФОРМАЦИОННЫХ ТЕХНОЛОГИЙ И МАССОВЫХ КОММУНИКАЦИЙ (РОСКОМНАДЗОР). Свидетельство о регистрации СМИ ЭЛ № ФС77 – 69870 от 29.05.2017 г.

Учредитель СМИ: АО «ТАТМЕДИА». Адрес: 420066, Татарстан, г. Казань, ул. Декабристов д. 2

Адрес редакции: 420066, Татарстан, г. Казань, ул. Декабристов д. 2, 7 этаж.Телефон редакции +7 (843) 222-05-40 (1610), e-mail: saxna@mail.ru .

Главный редактор: Хуснутдинов Зиннур Зиятдинович (Зиннур Хуснияр).

О фактах коррупции просим сообщать по адресу saxna@mail.ru .

Антикоррупционная политика

Политика о персональных данных

Настоящий ресурс может содержать материалы 12+