Четверг, 01 марта 2018 08:55 // Прочитано 301 раз

Гүзәл Яхина “Зөләйха күзләрен ача” романының дәвамы булмаячак дип белдерде

(Казан, 1 март, «Татар-информ», Рузилә Мөхәммәтова). “Зөләйха күзләрен ача” романының дәвамы булмаячак. Бу хакта язучы Гүзәл Яхина үзенең Уфа сәфәре вакытында икеләнергә урын калдырмыйча кистереп җавап бирде: “Әсәрнең дәвамын язмаячакмын. Миңа ул әсәрнең тәэсир көче бетте, мин ул зонадан чыктым”, - диде ул Уфаның “Россия” медиаүзәгендә узган матбугат конференциясендә.

“Ә аннан чыгуы бик авыр иде. Хәтта икенче әсәремне язарга утыргач та, Зөләйхадан арынып бетә алмаганлыгымны аңладым - героем ир-ат булса да, шул ук Зөләйха булып тоелды. Хәзер мин ул тәэсирдән котылдым һәм аңа яңадан әйләнеп кайтмаячакмын”, - дип аңлатты ул укучыларның әсәрнең дәвамы көтүе турындагы сорауга җавап итеп.

Искәртеп үтәбез, “Зөләйха күзләрен ача” романы авторы, рус телендә иҗат итүче Казан язучысы Гүзәл Яхина үз әсәре буенча башкорт телендә куелган спектакльне күрергә һәм укучылары белән очрашырга бер көнлек сәфәргә Уфага килде. Язучының Уфа сәфәре “Россия” медиаүзәгендә оештырылган матбугат конференциясеннән башланды. Матбугат конференциясендә ул “Зөләйха күзләрен ача” спектаклен сәхнәләштергән Айрат Әбүшахманов белән бергә катнаштылар. Матбугат конференциясен Башкортстанда танылган журналист Элла Курильская алып барды. Ул татар укучысына танылган режиссер Рифкать Исрафиловның кызы буларак таныш булырга мөмкин. Әлеге матбугат конференциясенең бер өлеше ондайн-режимда барды. Матбугат конференциясендә “Татар-информ” хәбәрчесе дә катнашты.

Башкортстанда, Мәҗит Гафури исемендәге Башкорт дәүләт академия драма театрында “Зөләйха күзләрен ача” спектакле сәхнәләштерелгәч, романга игътибар тагын да артты. Спектакль аншлаг белән бара, билетлар бик тиз сатылып бетә. Башкортстан журналистлары укучыларның һәм тамашачының әсәрнең дәвам көтүен әйтә.

Татарстанда авторның зур уңыш казанган бу романы төрле бәхәсләр тудырды. Татарстан әлеге китапны кабул итмәде, дигән гомум фикер яшәп килә. Татарстан китап нәшрияты китапны татарчага тәрҗемә итеп сатуга чыгарды. Әсәрнең төп герое - сөргенгә сөрелгән татар хатыны Зөләйха. 

татар-информ




Поделитесь с друзьями

© 2015-2018 Сетевое издание Сәхнә-Сцена.Все права защищены.

© ТАТМЕДИА. Все материалы, размещенные на сайте, защищены законом. Перепечатка, воспроизведение и распространениев любом объеме информации, размещенной на сайте, возможна при наличии гиперссылки или с письменного согласия редакций СМИ.

Создано при поддержке Республиканского агентства по печати и массовым коммуникациям РТ.

Наименование СМИ: Сәхнә-Сцена (sahne.ru). Сайт зарегистрирован ФЕДЕРАЛЬНОЙ СЛУЖБОЙ ПО НАДЗОРУ В СФЕРЕ СВЯЗИ, ИНФОРМАЦИОННЫХ ТЕХНОЛОГИЙ И МАССОВЫХ КОММУНИКАЦИЙ (РОСКОМНАДЗОР). Свидетельство о регистрации СМИ ЭЛ № ФС77 – 69870 от 29.05.2017 г.

Учредитель СМИ: АО «ТАТМЕДИА». Адрес: 420066, Татарстан, г. Казань, ул. Декабристов д. 2

Адрес редакции: 420066, Татарстан, г. Казань, ул. Декабристов д. 2, 7 этаж.Телефон редакции +7 (843) 222-05-40 (1610), e-mail: saxna@mail.ru .

Главный редактор: Хуснутдинов Зиннур Зиятдинович (Зиннур Хуснияр).

О фактах коррупции просим сообщать по адресу saxna@mail.ru .

Антикоррупционная политика

Политика о персональных данных

Настоящий ресурс может содержать материалы 12+