Пятница, 02 марта 2018 12:10 // Прочитано 283 раз

Татарстан Президенты журналистларга милли алкалардан йөрергә киңәш итте

(Казан, 2 март, "Татар-информ", Рузилә Мөхәммәтова). Татарстан Президенты журналистларга милли алкалар киеп йөрергә киңәш итте. Казан халык һөнәрчелеге техникумына визиты вакытында Президент ювелир остаханәсендә булып, биредә ясалган милли бизәнү әйберләренә соклануын белдерде һәм рәсми чараны яктыртырга килгән журналистларга карап: “Менә нинди алкалардан йөрергә кирәк! Матур да, арзанрак та”, - диде.

Бүген Татарстан Президенты Рөстәм Миңнеханов Казан халык һөнәрчелеге техникумында булып, биредәге остаханәләрне карады, остазлар һәм студентлар белән аралашты. Сүз техникум базасында Ресурс үзәге төзү һәм республиканың туристлык индустриясендә активрак катнашу турында барды.

Казан халык һөнәрчелеге техникумында милли киемнәр тегәргә, чигергә, агачтан уеп ясарга, балчык эшләнмәләр әзерләргә, читек-чүәкләр тегәргә, ювелирлык һөнәренә өйрәтәләр. Техникум әлеге товарлары белән Россия регионнарында һәм чит илләрдә булган сабантуйларга чыга, төрле илләрдә булган Татарстан мәдәнияте көннәрендә актив катнаша, ярминкәләр оештырыла. Алга таба бу юнәлешне тагын да активлаштыру бурычы тора. “Безнең алда сувенир продукциясе ясау бурычы куелды. Президент эшмәкәрлек белән активрак шөгыльләнү кирәклеген әйтте”, - ди техникум директоры Раушания Сәүбәнова.

Хәзер туристларга еш кына Кытайда ясалган сувенирлар тәкъдим ителә. Арзанлы милли түбәтәйләр дә - кытай товары. “Кытайлар түбәтәй тегәргә бездән өйрәнделәр, - ди Раушания Сәүбәнова туристларга Кытайда җитештерелгән арзанлы түбәтәйләр тәкъдим ителүен күздә тотып. - Ике кытай кызы бездә укыды. Технологияне бездән өйрәнеп, хәзер алар аны механикалаштыра алдылар. Бу товарның бәясен бераз арзанайта”. Әмма җехникум җитәкчелеге бу вазгыятьне үзгәртеп буласына ышана. “Безнең сыйфатлы товарыбызга ихтыяҗ бар. Традицияләр буенча эшләнгән сыйфатлы товар алырга безгә киләләр”, - ди Раушания Сәүбәнова.

татар-информ

Фото: tatarstan.ru

 



Поделитесь с друзьями

© 2015-2018 Сетевое издание Сәхнә-Сцена.Все права защищены.

© ТАТМЕДИА. Все материалы, размещенные на сайте, защищены законом. Перепечатка, воспроизведение и распространениев любом объеме информации, размещенной на сайте, возможна при наличии гиперссылки или с письменного согласия редакций СМИ.

Создано при поддержке Республиканского агентства по печати и массовым коммуникациям РТ.

Наименование СМИ: Сәхнә-Сцена (sahne.ru). Сайт зарегистрирован ФЕДЕРАЛЬНОЙ СЛУЖБОЙ ПО НАДЗОРУ В СФЕРЕ СВЯЗИ, ИНФОРМАЦИОННЫХ ТЕХНОЛОГИЙ И МАССОВЫХ КОММУНИКАЦИЙ (РОСКОМНАДЗОР). Свидетельство о регистрации СМИ ЭЛ № ФС77 – 69870 от 29.05.2017 г.

Учредитель СМИ: АО «ТАТМЕДИА». Адрес: 420066, Татарстан, г. Казань, ул. Декабристов д. 2

Адрес редакции: 420066, Татарстан, г. Казань, ул. Декабристов д. 2, 7 этаж.Телефон редакции +7 (843) 222-05-40 (1610), e-mail: saxna@mail.ru .

Главный редактор: Хуснутдинов Зиннур Зиятдинович (Зиннур Хуснияр).

О фактах коррупции просим сообщать по адресу saxna@mail.ru .

Антикоррупционная политика

Политика о персональных данных

Настоящий ресурс может содержать материалы 12+