Понедельник, 05 марта 2018 06:47 // Прочитано 279 раз

Милли китапханәдә «Горькийның рухи дөньясы» дип аталган күргәзмә эшли

(Казан, 4 март, «Татар-информ»). 2018 ел Россиядә Максим Горький елы буларак та билгеләп үтелә. Татарстан Республикасы Милли китапханәсенең Күргәзмәләр залында язучының 150 еллык юбилее уңаеннан «Горькийның рухи дөньясы» дип аталган күргәзмә эшли. Бу хакта Мәдәният министрлыгы хәбәр итә.

Экспозициянең беренче өлешендә М.Горькийның дөнья мәдәнияте тарихында үз урынын яулаган уникаль язучы икәнен раслаучы китаплар тупланган. Алар арасында китап укучылар кызыксынып кабул иткән басмалар – Д.Быковның «Был ли Горький?» һәм П.Басинскийның «Страсти по Максиму» дигән китаплары да бар.

Күргәзмәнең төп өлеше әдипнең Казанда яшәгән чорын чагылдыра. М.Горький шәһәребездә дүрт кенә ел яшәгән. Чиксез авыр хезмәт, төрле катлам кешеләре белән аралашу, мәгърифәтчелек идеяләре белән кызыксыну аны шәхес буларак формалаштырган. Язучы Казан һәм анда яшәүчеләрне үзенең үлемсез әсәрләрендә мәңгеләштерә. «Минем университетларым», «Коновалов» һәм башка хикәяләр укучыларга бик кызыклы булыр. Экспозициядә Казандагы Горький музее турында китаплар да бар.

М. Горький Тукай иҗаты белән яхшы таныш булган. Шул чорның татар язучылары белән аралашып, аларга булышып яшәгән. Күргәзмәнең өченче өлеше Горькийның татар әдәбиятына тәэсирен чагылдыра. Мәшһүр әдип 1928 нче елда Казанга килгәч, татар язучылары белән очраша. Татарстан Язучылар берлеген оештыруда да аның роле зур. Горький иҗаты татар телендә дә халыкка җиткерелгән. Татар театрлары революциягә кадәр үк язучының драма әсәрләрен сәхнәгә куйганнар.

татар-информ

Фото: tatarstan.ru

 




Поделитесь с друзьями

© 2015-2018 Сетевое издание Сәхнә-Сцена.Все права защищены.

© ТАТМЕДИА. Все материалы, размещенные на сайте, защищены законом. Перепечатка, воспроизведение и распространениев любом объеме информации, размещенной на сайте, возможна при наличии гиперссылки или с письменного согласия редакций СМИ.

Создано при поддержке Республиканского агентства по печати и массовым коммуникациям РТ.

Наименование СМИ: Сәхнә-Сцена (sahne.ru). Сайт зарегистрирован ФЕДЕРАЛЬНОЙ СЛУЖБОЙ ПО НАДЗОРУ В СФЕРЕ СВЯЗИ, ИНФОРМАЦИОННЫХ ТЕХНОЛОГИЙ И МАССОВЫХ КОММУНИКАЦИЙ (РОСКОМНАДЗОР). Свидетельство о регистрации СМИ ЭЛ № ФС77 – 69870 от 29.05.2017 г.

Учредитель СМИ: АО «ТАТМЕДИА». Адрес: 420066, Татарстан, г. Казань, ул. Декабристов д. 2

Адрес редакции: 420066, Татарстан, г. Казань, ул. Декабристов д. 2, 7 этаж.Телефон редакции +7 (843) 222-05-40 (1610), e-mail: saxna@mail.ru .

Главный редактор: Хуснутдинов Зиннур Зиятдинович (Зиннур Хуснияр).

О фактах коррупции просим сообщать по адресу saxna@mail.ru .

Антикоррупционная политика

Политика о персональных данных

Настоящий ресурс может содержать материалы 12+