Реклама

Понедельник, 05 марта 2018 06:57 // Прочитано 243 раз

"Болгар радиосы" татар альтернатив музыкасын таныту ниятеннән яңа тапшыру ачкан

(Казан, 2 март, “Татар-информ”, Динә Йосыпова). “Болгар радиосы” эфирында татар альтернатив музыкасын таныту ниятеннән "Казан кайный" дигән тапшыру булдырылган. Бу - радионың Бөтендөнья татар яшьләре форумы белән башкарылган уртак проекты. Бу хакта “Болгар радиосы”ның баш редакторы, продюсер Илфар Кәримов бүген «Татар-информ» мәгълүмат агентлыгында узган матбугат конференциядә әйтте. 

Илфар Кәримов татар альтернатив музыканың төрле юнәлешләре булуын әйтте. “Һәрбер юнәлешнең үз тыңлаучысы бар, ләкин бүгенге көндә альтернатив музыканы тыңлаучылар күп түгелдер дип уйлыйм мин”, - диде продюсер. “Болгар радиосы”ның баш редакторы фикеренчә, халык альтернатив музыканы кабул итергә әзер булмаска мөмкин. Шуңа да карамастан, Илфар Кәримов альтернатив музыканы тәкъдим итүгә, халыкка җиткерүгә урын бирергә кирәк дип саный. “Без “Бөтендөнья татар яшьләре форумы” белән “Казан кайный” дигән тапшыру эшли башладык. Җыр өлкәсендә генә түгел, гомумән татар дөньясында үз фикере булган яшьләр белән таныштыру планнары бар”, - дип әйтте Илфар Кәримов.

Ә “Татар радиосы” радиостанцияләр челтәре баш редакторы Айваз Садыров татар альтернатив музыкасы дигән төшенчәне белмәвен аңлатты. “Альтернатив музыка бүгенге көндә бармы соң ул? Нәрсә соң ул альтернатив музыка?” - диде ул.

Айваз Садыров сүзләренчә, һәр нәрсә системалы булырга тиеш. Формат төшенчәсен дә исәптә тотарга кирәк. “Төрле стильдәге җырларны берләштерү куркыныч. Бар җырны берләштереп, "татар музыкасы, татар җырлары" дип кенә чыгарып булмый. Бу очракта система булмаячак. Радиоканаллар бер форматта гына чыга башлаячак. Һәм кеше тыңларга теләгән җырын көне буе көтеп утырачак. Алар аны тыңламаячаклар да, чөнки җырның кайчан яңгыраячагын белмиячәкләр”, - дип аңлатты бүгенге конференциядә Айваз Садыров.

татар-информ

Фото: Султан Исхаков

 




Поделитесь с друзьями

Добавить комментарий

Защитный код
Обновить

Игъланнар тактасы

Конкурслар

Филиал АО «ТАТМЕДИА» Редакция журнала «Сәхнә»

Учредитель СМИ: АО «ТАТМЕДИА». Сайт зарегистрирован ФЕДЕРАЛЬНОЙ СЛУЖБОЙ ПО НАДЗОРУ В СФЕРЕ СВЯЗИ, ИНФОРМАЦИОННЫХ ТЕХНОЛОГИЙ И МАССОВЫХ КОММУНИКАЦИЙ (РОСКОМНАДЗОР). Свидетельство о регистрации СМИ ЭЛ № ФС77 – 69870 от 29.05.2017 г.

Адрес редакции: 420066, Татарстан, г. Казань, ул. Декабристов д. 2
Телефон редакции +7 (843) 222-05-40 (16-10), e-mail: saxna@mail.ru

Режим работы: Понедельник–пятница с 9.00 до 18:00. Выходные: суббота, воскресенье.
Главный редактор: Хуснутдинов Зиннур Зиятдинович

Частичное или полное воспроизведение материалов журнала «Сәхнә» или сайта sahne.ru возможно только при наличии гиперссылки. 

© 2011 - 2018. Журнал «СӘХНӘ» . Все права защищены.
© ТАТМЕДИА. Все материалы, размещенные на сайте, защищены законом. Перепечатка, воспроизведение и распространение
в любом объеме информации, размещенной на сайте, возможна только с письменного согласия редакций СМИ.
Создано при поддержке Республиканского агентства по печати и массовым коммуникациям РТ

Политика о персональных данных

12+