Понедельник, 05 марта 2018 07:00 // Прочитано 424 раз

Радиолар киләчәктә татар теленә ихтыяҗны бетермәүне максат итеп куйган

(Казан, 2 март, “Татар-информ”, Динә Йосыпова). Татар радиолары киләчәктә татар теленә  ихтыяҗны бетермәүне максат итеп куйган. Бу турыда бүген “Татар-информ” мәгълүмат агентлыгында узган конференциядә “Болгар радиосы”ның баш мөхәррире Илфар Кәримов хәбәр итте.

“Әгәр без татар телендә сөйләүче милли радио икән, татар теленә ихтыяҗны киләчәктә бетермәү – безнең бердәнбер бөек максат”, - диде Илфар Кәримов.

“Татарстан” дәүләт телерадиокомпаниясенең радиотапшырулар хезмәте башлыгы Тәүфыйк Сәгыйтов татар радиоларының максаты турында фикерен әйтте. “Әгәр сүз радиода яңгыраган җыр хакында икән, һәрхәлдә музыкаль тапшырулар төрле булырга тиеш. Яшьләр дә үсә, яшьләрне дә онытырга ярамый”.

Тәүфыйк Сәгыйтов халык гомере буе тыңлап үскән милли татар җырларын да онытырга тиеш түгел дип исәпли. “Әйе, радионы төрле яшьтәге кешеләр тыңлый, ләкин халык яраткан җырлар онытылырга тиеш түгел. Безнең радиотапшыруларның вакыты чикләнгән, ләкин анысын да халыкка охшарлык итеп оештырырга кирәк”, - диде Тәүфыйк Сәгыйтов.

“Татарстан” дәүләт телерадиокомпаниясенең радиотапшырулар хезмәте башлыгы сүзләренчә, музыкаль тапшырулар күп булырга тиеш.  “Кеше үзебезнең милли музыканы аңласын һәм тыңласын өчен, тапшыруларны аерым композиторларның, шагыйрьләрнең, башкаручыларның иҗатына багышлап оештырырга кирәк”, - диде Тәүфыйк Сәгыйтов. 

Ул татар радиоларының төп максаты итеп халыкка хезмәт итүне күрә. “Төп максат - республика халкына хезмәт итү. Радионы тыңлаучы кешеләрнең таләпләре елдан-ел үсә бара. Шуңа күрә, радионың дәрәҗәсе бетмәсен өчен, халык белән берләшеп эшләргә кирәк".

“Татар радиосы” радиостанцияләр челтәре директоры Динә Гәрәева сүзләренчә, “Татар радиосы”ның төп өч максаты бар: дәрәҗәне, тыңлаучыларны һәм акчаны арттыру.

Бүген "Татар-информ" “Болгар радиосы” эфирында татар альтернатив музыкасын таныту ниятеннән "Казан кайный" дигән тапшыру булдырылган, дип хәбәр иткән иде.

татар-информ




Поделитесь с друзьями

© 2015-2018 Сетевое издание Сәхнә-Сцена.Все права защищены.

© ТАТМЕДИА. Все материалы, размещенные на сайте, защищены законом. Перепечатка, воспроизведение и распространениев любом объеме информации, размещенной на сайте, возможна при наличии гиперссылки или с письменного согласия редакций СМИ.

Создано при поддержке Республиканского агентства по печати и массовым коммуникациям РТ.

Наименование СМИ: Сәхнә-Сцена (sahne.ru). Сайт зарегистрирован ФЕДЕРАЛЬНОЙ СЛУЖБОЙ ПО НАДЗОРУ В СФЕРЕ СВЯЗИ, ИНФОРМАЦИОННЫХ ТЕХНОЛОГИЙ И МАССОВЫХ КОММУНИКАЦИЙ (РОСКОМНАДЗОР). Свидетельство о регистрации СМИ ЭЛ № ФС77 – 69870 от 29.05.2017 г.

Учредитель СМИ: АО «ТАТМЕДИА». Адрес: 420066, Татарстан, г. Казань, ул. Декабристов д. 2

Адрес редакции: 420066, Татарстан, г. Казань, ул. Декабристов д. 2, 7 этаж.Телефон редакции +7 (843) 222-05-40 (1610), e-mail: saxna@mail.ru .

Главный редактор: Хуснутдинов Зиннур Зиятдинович (Зиннур Хуснияр).

О фактах коррупции просим сообщать по адресу saxna@mail.ru .

Антикоррупционная политика

Политика о персональных данных

Настоящий ресурс может содержать материалы 12+