Вторник, 13 марта 2018 12:24 // Прочитано 174 раз

Музейчылар Татарстан тарихына багышланган даими экспозиция әзерләү тәкъдиме белән чыкты

(Казан, 12 март, "Татар-информ", Рузилә Мөхәммәтова). Татарстан Милли музее генераль директоры Гөлчәчәк Нәҗипова Татарстан тарихына багышланган даими экспозиция әзерләү тәкъдиме белән чыкты. Ул бу турыда Татарстан Президенты Рөстәм Миңнехановның республиканың иҗади интеллигенциясе белән очрашу кысаларында әйтте. “ТАССРның 100 еллыгына даими экспозиция ясау проектыбызга ярдәм итегез, зинһар. Без әлегә вакытлы экспозиция белән эшлибез. Елга унбишәр миллион сум акча бирелсә, без өч елда бик яхшы экспозиция ясый алыр идек. Дизайн-проектыбыз да бар. Без зур тарихчы галимнәр белән хезмәттәшлек итәбез. Бу ТАССРның 100 еллыгына караган иң үзәк вакыйга була алыр иде”, - диде Гөлчәчәк Нәҗипова.

Гөлчәчәк Нәҗипова Татарстанда музей эшенең активлашуын билгеләп үтте һәм Милли музей үткәргән акцияләр, яңа проектлар белән таныштырды. “Хәзер “Файдалы музей” дигән термин барлыкка килде. Без файдалы музей булырга тырышабыз. Шул исәптән, иктисади яктан да файдалы булырга. Музейлар, төп эшчәнлегеннән тыш та, күпме файда китерә. Туристлар өчен без төп контент булып торабыз”, - диде Милли музейның генераль директоры.

Очрашу Татарстан Президентының Горький һәм Шаляпин музейларының яңартылган экспозициясе белән танышукысаларында үтте. Ул музейның китапханә бүлмәсендә барды.

Чарада Казан дәүләт консерваториясе ректоры Рубин Абдуллин, “Татаркино” оешмасы генераль директоры Миләүшә Айтуганова, Актерлар йорты директоры Эльмира Фәтхуллина, Татарстан Милли музее генераль директоры Гөлчәчәк Нәҗипова, республиканың иҗат берлекләре рәисләре катнашты.

Очрашуны Татарстан мәдәният министры Айрат Сибагатуллин алып барды. Министр “мәдәният һәм сәнгатькә булган игътибары, системалы ярдәме өчен” Президентка рәхмәтләрен җиткерде һәм республиканың мәдәни мирасны саклау өлкәсендәге казанышларын санап үтте.

татар-информ




Поделитесь с друзьями

© 2015-2018 Сетевое издание Сәхнә-Сцена.Все права защищены.

© ТАТМЕДИА. Все материалы, размещенные на сайте, защищены законом. Перепечатка, воспроизведение и распространениев любом объеме информации, размещенной на сайте, возможна при наличии гиперссылки или с письменного согласия редакций СМИ.

Создано при поддержке Республиканского агентства по печати и массовым коммуникациям РТ.

Наименование СМИ: Сәхнә-Сцена (sahne.ru). Сайт зарегистрирован ФЕДЕРАЛЬНОЙ СЛУЖБОЙ ПО НАДЗОРУ В СФЕРЕ СВЯЗИ, ИНФОРМАЦИОННЫХ ТЕХНОЛОГИЙ И МАССОВЫХ КОММУНИКАЦИЙ (РОСКОМНАДЗОР). Свидетельство о регистрации СМИ ЭЛ № ФС77 – 69870 от 29.05.2017 г.

Учредитель СМИ: АО «ТАТМЕДИА». Адрес: 420066, Татарстан, г. Казань, ул. Декабристов д. 2

Адрес редакции: 420066, Татарстан, г. Казань, ул. Декабристов д. 2, 7 этаж.Телефон редакции +7 (843) 222-05-40 (1610), e-mail: saxna@mail.ru .

Главный редактор: Хуснутдинов Зиннур Зиятдинович (Зиннур Хуснияр).

О фактах коррупции просим сообщать по адресу saxna@mail.ru .

Антикоррупционная политика

Политика о персональных данных

Настоящий ресурс может содержать материалы 12+