Вторник, 13 марта 2018 15:29 // Прочитано 284 раз

Бүгенге көндә үзләрен күрсәтергә теләгән яшьләргә шаян булырга кирәк – Васил Шәйхразиев

(Казан, 12 март, “Татар-информ”, Динә Йосыпова). “Бүгенге көндә үзләрен күрсәтергә теләгән яшьләргә шаян булырга кирәк. Яшьлек - ул куркусызлык”, - дип теләде бүген XIX Бөтендөнья яшьләр һәм студентлар фестивалендә катнашачак Татарстан делегациясенә Татарстан Премьер-министры урынбасары, Милли Шура рәисе Васил Шәйхразиев. Очрашу Казанда “Маяковский” иҗат киңлегендә узды. В.Шәйхразиев Татарстан делегациясен әзерләү буенча Оештыру комитеты рәисе.

Васил Шәйхразиев Татарстан яшьләре делегациясенең Мәскәүдә узачак “Россия - мөмкинлекләр иле” бөтенроссия форумында үзләрен тиешле дәрәҗәдә күрсәтергә бөтен мөмкинлекләре дә бар, дип исәпли. “Балалар каналы ачкач, без аңа “Шаян” дип исем бирдек. Бүгенге көндә үзләрен күрсәтергә теләгән яшьләргә шаян булырга кирәк. Ә инде белемне һәм булдыклылыкны күрсәтер өчен, бераз гына кыюлык та кирәк. Безгә кайбер вакытларда кыюлык җитми. Синең эшләгән эшләреңне күрсәтәсең килсә, якындагы сабакташларың синең ярдәмчеләрең булырга тиеш. Уңыш бу очракта зуррак булачак. Бер нәрсәдән дә курыкмаска кирәк. Яшьлек - ул куркусызлык”, - дип әйтте Васил Шәйхразиев “Татар-информ” хәбәрчесенә.

“Россия - мөмкинлекләр иле” бөтенроссия форумы Мәскәүдә 13-16 мартта узачак. Татарстан яшьләре делегациясе, Россиянең башка регионнарыннан килгән делегацияләр белән чагыштырганда, иң күп санлы делегацияләрнең берсе.

Форумда Россия Президенты В.В.Путин тәкъдиме белән “Россия – мөмкинлекләр иле” ачык платформасына кергән проектларда катнашучылар җыела. Чара ачык социаль лифтлар системасын оештыру, талантлы яшьләрнең һәм профессионалларның төрле эшчәнлектә үз мөмкинлекләрен тормышка ашыруына ярдәм итү, шулай ук иң яхшы җәмәгать башлангычларын консолидацияләү һәм хәйриячелеккә ярдәм итү өчен булдырылган. 

Бүгенге очрашуга “Россия - мөмкинлекләр иле” бөтенроссия форумында катнашучылар, грант алучылар, бөтенроссия һәм төбәк бәйгеләрендә җиңүчеләр, социаль проект авторлары һәм җитәкчеләре, Бөтендөнья яшьләр һәм студентлар фестивалендә катнашучы Татарстан делегатлары җыелган иде.

татар-информ

Фото: Султан Исхаков




Поделитесь с друзьями

© 2015-2018 Сетевое издание Сәхнә-Сцена.Все права защищены.

© ТАТМЕДИА. Все материалы, размещенные на сайте, защищены законом. Перепечатка, воспроизведение и распространениев любом объеме информации, размещенной на сайте, возможна при наличии гиперссылки или с письменного согласия редакций СМИ.

Создано при поддержке Республиканского агентства по печати и массовым коммуникациям РТ.

Наименование СМИ: Сәхнә-Сцена (sahne.ru). Сайт зарегистрирован ФЕДЕРАЛЬНОЙ СЛУЖБОЙ ПО НАДЗОРУ В СФЕРЕ СВЯЗИ, ИНФОРМАЦИОННЫХ ТЕХНОЛОГИЙ И МАССОВЫХ КОММУНИКАЦИЙ (РОСКОМНАДЗОР). Свидетельство о регистрации СМИ ЭЛ № ФС77 – 69870 от 29.05.2017 г.

Учредитель СМИ: АО «ТАТМЕДИА». Адрес: 420066, Татарстан, г. Казань, ул. Декабристов д. 2

Адрес редакции: 420066, Татарстан, г. Казань, ул. Декабристов д. 2, 7 этаж.Телефон редакции +7 (843) 222-05-40 (1610), e-mail: saxna@mail.ru .

Главный редактор: Хуснутдинов Зиннур Зиятдинович (Зиннур Хуснияр).

О фактах коррупции просим сообщать по адресу saxna@mail.ru .

Антикоррупционная политика

Политика о персональных данных

Настоящий ресурс может содержать материалы 12+