Реклама

Четверг, 12 апреля 2018 07:42 // Прочитано 291 раз

Казанда “Байгал” фильмын күрсәттеләр, әмма бу әле премьера түгел

(Казан, 12 апрель, “Татар-информ”, Рузилә Мөхәммәтова). “Байгал” тулы метражлы нәфис фильмының премьерасы сентябрьгә генә планлаштырылса да, кичә ябык ишекләр артында фильм Татарстан киноэлитасына күрсәтелде.

Фильм Казанның иң зур кинозалларының берсе булган “Синема 5”кинотеатрында тәкъдим ителде. Тамашачылар арасында Татарстан Республикасы Премьер-министры урынбасары Ләйлә Фазлыева, Татарстан Президентының матбугат үзәге җитәкчесе Эдуард Хәйруллин, Татарстан мәдәният министры урынбасары Гүзәл Шәрипова, язучылар, артистлар, журналистлар да бар иде.

“Байгал” фильмы Мансур Гыйләҗев киносценарие буенча куелган. Төп рольләрдә тамашачыга таныш булмаган актер Ренат Галимов һәм телетамашачыга аеруча таныш булган Миләүшә Айтуганова. Рольләрдә – Илдар Хәйруллин, Фирая Әкбәрова, Раил Шәмсуров, Гүзәл Галиуллина һәм башкалар. Рольләрнең берсе Владимир Вдовиченков башкара.

Сюжет буенча төп герой Галимҗан яшь чагында хатынының хыянәтен күреп, гаиләсен ташлап китә һәм утыз ел Идел буендагы авылда гомер итә. Улының кыен хәлгә очравы турында хәбәр аны Казанга килергә мәҗбүр итә. Килеп туган хәл алдында чарасыз калган геройга хыялындагы байгал балыгы гына булыша. Әлеге зур балык компьютер графикасы белән Мәскәү белгечләре тарафыннан эшләнгән.

Фильмны тамашачыга Илдар Ягъфәров үзе тәкъдим итте. Кинорежиссер фильмны прокатка кадәр кинофестивальләргә йөртү яклы. Әлегә Илдар Ягъфәров кайчы фестивальләр турында сүз баруына ачыклык кертмәде. Казан кинофестивлендә катнашу-катнашмавы турында да мәгълүмат бирмәде.

Фильмда геройлар татар телендә сөйләшә. Әлегә рус теленә тәрҗемә титрлар белән бирелгән. Рус телендә фильмны Фәрит Бикчәнтәев яздырган.

“Фильмны мең кат карадым. Кимчелекләрен дә беләм, әмма көчле эпизодлары да бар. Әмма без яхшы кинога омтылдык. Без озак эшләдек. Әмма әле бу премьера түгел”, - дип ассызыклады кинорежиссер.

Фильм турында тулырак итеп “Интертат”ка язма әзерләнә.

татар-информ

Фото: Ильнар Тухбатов




Поделитесь с друзьями

Добавить комментарий

Защитный код
Обновить

Игъланнар тактасы

Конкурслар

Филиал АО «ТАТМЕДИА» Редакция журнала «Сәхнә»

Учредитель СМИ: АО «ТАТМЕДИА». Сайт зарегистрирован ФЕДЕРАЛЬНОЙ СЛУЖБОЙ ПО НАДЗОРУ В СФЕРЕ СВЯЗИ, ИНФОРМАЦИОННЫХ ТЕХНОЛОГИЙ И МАССОВЫХ КОММУНИКАЦИЙ (РОСКОМНАДЗОР). Свидетельство о регистрации СМИ ЭЛ № ФС77 – 69870 от 29.05.2017 г.

Адрес редакции: 420066, Татарстан, г. Казань, ул. Декабристов д. 2
Телефон редакции +7 (843) 222-05-40 (16-10), e-mail: saxna@mail.ru

Режим работы: Понедельник–пятница с 9.00 до 18:00. Выходные: суббота, воскресенье.
Главный редактор: Хуснутдинов Зиннур Зиятдинович

Частичное или полное воспроизведение материалов журнала «Сәхнә» или сайта sahne.ru возможно только при наличии гиперссылки. 

© 2011 - 2018. Журнал «СӘХНӘ» . Все права защищены.
© ТАТМЕДИА. Все материалы, размещенные на сайте, защищены законом. Перепечатка, воспроизведение и распространение
в любом объеме информации, размещенной на сайте, возможна только с письменного согласия редакций СМИ.
Создано при поддержке Республиканского агентства по печати и массовым коммуникациям РТ

Политика о персональных данных

12+