Пятница, 13 апреля 2018 14:14 // Прочитано 266 раз

Осиновода чүп яндыру заводы өчен мәйдан кулланылышка тапшырылган

(Казан, 13 апрель, “Татар-информ”, Чулпан Шакирова). Яшел Үзән районының Осиново бистәсе янындагы 10 гектар мәйдан чүп яндыру заводы төзү өчен кулланылышка тапшырылган. Бу хакта бүген “Татар-информ”да узган матбугат очрашуында “АГК-1” ҖЧҖ генераль директоры Игорь Тимофеев әйтте.

“Чүп яндыру заводы төзү өчен администрация берничә мәйданны караган иде. Әмма әлеге урын иң кулае булып чыкты. Беренчедән, заводка чүп Казан, Яшел Үзән һәм Татарстанның көнбатыш районнарыннан киләчәк. Димәк, бу – урта нокта. Икенчедән, әлеге урын федераль трассаларга якын. Өченчедән, электр челтәрләре, су канализацияләре дә якында урнашкан. Чүп килү ташкыны һәм инженер коммуникацияләре җәһәтеннән Осиново – завод төзү өчен иң яхшы урын”, – диде Тимофеев.

Журналистларның: “Димәк, чүп яндыру заводы Осиновода төзеләчәк дигән карар кабул ителгән?” дигән соравына Игорь Тимофеев:

“Әйе, мәйдан бүгенге көндә кулланылышка тапшырылган”, - дип җаваплады.

Аның сүзләренчә, чүп яндыру заводы төзү өчен 4 ел вакыт кирәк. Татарстанда бердәнбер чүп яндыру заводы үз эшен 2022 ел ахырында башлаячак.

“Бу вакыт эчендә Татарстан халкының тормыш шартлары яхшырыр һәм чүп күбрәк җыелыр”, – дип тә өстәде генераль директор.

татар-информ

Фото: Султан Исхаков




Поделитесь с друзьями

© 2015-2018 Сетевое издание Сәхнә-Сцена.Все права защищены.

© ТАТМЕДИА. Все материалы, размещенные на сайте, защищены законом. Перепечатка, воспроизведение и распространениев любом объеме информации, размещенной на сайте, возможна только при наличии письменного согласия редакций СМИ.

Создано при поддержке Республиканского агентства по печати и массовым коммуникациям РТ.

Наименование СМИ: Сәхнә-Сцена (sahne.ru). Сайт зарегистрирован ФЕДЕРАЛЬНОЙ СЛУЖБОЙ ПО НАДЗОРУ В СФЕРЕ СВЯЗИ, ИНФОРМАЦИОННЫХ ТЕХНОЛОГИЙ И МАССОВЫХ КОММУНИКАЦИЙ (РОСКОМНАДЗОР). Свидетельство о регистрации СМИ ЭЛ № ФС77 – 69870 от 29.05.2017 г.

Учредитель СМИ: АО «ТАТМЕДИА». Адрес: 420066, Татарстан, г. Казань, ул. Декабристов д. 2

Адрес редакции: 420066, Татарстан, г. Казань, ул. Декабристов д. 2, 7 этаж.Телефон редакции +7 (843) 222-05-40 (1610), e-mail: saxna@mail.ru .

Главный редактор: Хуснутдинов Зиннур Зиятдинович (Зиннур Хуснияр).

О фактах коррупции просим сообщать по адресу saxna@mail.ru .

Антикоррупционная политика

Политика о персональных данных

Настоящий ресурс может содержать материалы 12+