Понедельник, 16 апреля 2018 07:24 // Прочитано 366 раз

“Тормышмы бу?” - Камал театры 110 ел элек Гаяз Исхакый куйган сорауны яңадан куйды

(Казан, 14 апрель, “Татар-информ”, Рузилә Мөхәммәтова). Казанның театраль тамашачысы Камал театрының язгы премьерасын милли театрда яңа сүз, вакыйга, татар дөньясында яңа режиссерның тууы, дип бәяләде. Кичә Камал театры Гаяз Исхакый әсәрләре буенча куелган “Тормышмы бу?” дип аталган премьера чыгарды.

Спектакль соңгы минутларга кадәр сер итеп сакланды – журналистларга алдан күрсәтелмәде, премьерага фотографлар һәм видеооператорлар кертелмәде. Алар өчен аерым өлешләренең репетициясе генә тәкъдим ителде. Шунлыктан әлегә редакцияләрдә тамашачы алдында уйнаган артистлар, спектакль караган тамашачы төшерелгән фоторәсемнәр юк.

“Тормышмы бу?” спектакленең режиссеры – Айдар Җаббаров. Камал театрының Кече залында ул Хәсән Туфан шигырьләре һәм Туфан Миңнуллин пьесасы эпизодлары буенча “Агыла да болыт, агыла” спектаклен куйган иде. Яшь режиссер Айдар Җаббаров С.В.Женовач укучысы (РИТИ-ГИТИС).

«Тормышмы бу?» әсәренең герое – яшь шәкерт халыкка хезмәт итү теләге белән яна. Әмма, Ислам фәннәрен үзләштергән, рус һәм Европа мәдәниятенә таба йөз тоткан, ислахчы булып халкына хезмәт итәргә хыялланган нәтиҗәдә, тормыш ваклыклары белән мәшгуль уртакул авыл мулласы булып кала. Геройның хыялый чынбарлыгы, мәгънәсез яшәеше, шәхес буларак психологик таркалуы автор кинаясенең нигезен тәшкил итә.

Әсәрнең исемендә һәм нигезендә язучының 1909 елда язылган “Тормышмы бу?” әсәре ята. Ул бер шәкернең көндәлекләре буларак язылган. Спектакльгә Гаяз Исхакыйның башка әсәрләреннән эпизодлар, геройлар кертелгән.

Төп рольне Татарстанның халык артисты Искәндәр Хәйруллин башкара. Башка рольләрдә – Миләүшә Шәйхетдинова, Олег Фазылҗанов, Ләйсән Рәхимова һәм театрның яшь артистлары.

Кичә премьераны карарга килүчеләр арасында халык шагыйре Разил Вәлиев, шагыйрь Ркаил Зәйдулла, драматург Зөлфәт Хәким, Тинчурин театры режиссеры Рәшит Заһидуллиннар бар иде. Тамашачы белән бергә театр артистлары да спектакль карадылар. 
Спектакль Камал театрында бүген, 14 апрельдә, һәм 24 апрельдә күрсәтелә.

Спектакль турында тулырак итеп “Интертат”тан укырсыз.

татар-информ

Фото: Рамиль Гали




Поделитесь с друзьями

© 2015-2018 Сетевое издание Сәхнә-Сцена.Все права защищены.

© ТАТМЕДИА. Все материалы, размещенные на сайте, защищены законом. Перепечатка, воспроизведение и распространениев любом объеме информации, размещенной на сайте, возможна при наличии гиперссылки или с письменного согласия редакций СМИ.

Создано при поддержке Республиканского агентства по печати и массовым коммуникациям РТ.

Наименование СМИ: Сәхнә-Сцена (sahne.ru). Сайт зарегистрирован ФЕДЕРАЛЬНОЙ СЛУЖБОЙ ПО НАДЗОРУ В СФЕРЕ СВЯЗИ, ИНФОРМАЦИОННЫХ ТЕХНОЛОГИЙ И МАССОВЫХ КОММУНИКАЦИЙ (РОСКОМНАДЗОР). Свидетельство о регистрации СМИ ЭЛ № ФС77 – 69870 от 29.05.2017 г.

Учредитель СМИ: АО «ТАТМЕДИА». Адрес: 420066, Татарстан, г. Казань, ул. Декабристов д. 2

Адрес редакции: 420066, Татарстан, г. Казань, ул. Декабристов д. 2, 7 этаж.Телефон редакции +7 (843) 222-05-40 (1610), e-mail: saxna@mail.ru .

Главный редактор: Хуснутдинов Зиннур Зиятдинович (Зиннур Хуснияр).

О фактах коррупции просим сообщать по адресу saxna@mail.ru .

Антикоррупционная политика

Политика о персональных данных

Настоящий ресурс может содержать материалы 12+