Среда, 16 мая 2018 15:51 // Прочитано 141 раз

Казанда беренче татарча клуб концертын Альберт Нурминский күрсәтте

(Казан, 16 май, "Татар-информ", Рузилә Мөхәммәтова). Татарча рэп җырчысы Альбер Нурминский Казанда беренче концертын бирде. Концерт клуб концерты форматында Ленин исемендәге мәдәният сараеның фойесында барды. Концертның төп тамашачысы Альберт Нурминскийның фанатлары иде. “Татар-информ” хәбәрчеләре яшьләрнең Нурминский текстларын яттан белеп, хор булып аның белән бергә кабатлап җырлауларының шаһитлары булдылар.

“Алда дәүләт имтиханнары торганда үсмерләр өчен концертлар оештыру бик катлаулы. Бу реклама компаниясез генә оештырылган концерт. Мәктәпләргә кереп афишалар урнаштыру мөмкинлеге дә юк. Анонслар бары тик социаль челтәрләрдәге төркемнәрдә генә барды. Шундый шартларда 120 тамашачы җыю зур уңыш”, - ди концертның директоры Альбина Бәширова.

Концерт мәдәният залының иркен фойесында оештырылды. Фойе үзәгендә идәннән чак кына югары җыйнак кына сәхнә куелган. Биредә артист тамашачыдан кул сузымы арада гына җырлый. Ә сәхнә тирәли баскан тамашачы ритмга кушылып хәрәкәтләнә, бии ала.

Альберт Нурминский үзенең фанатларына яхшы таныш композицияләрен башкарды. Арада берничә рус телендәге җыр да бар.

Альбина Бәширова әйтүенчә, Альбертны рус текстлары аша танып, яратып калган тамашачы аның татарча текстлары белән дә кызыксына башлый һәм аларын да тыңлый, телгә якыная. Бу туган телләрен белмәүчеләр өчен телләрен өйрәнергә стимул тудыра.

Альберт ял иткәндә сәхнәгә эпатаж эстрада җырчысы Айшә чыкты.

Концертта Альберт Нурминский фанатлары арасында викториналар, уеннар уйнатылды, җиңүчеләргә традицион бүләкләр - магниткалар һәм футболкалар бирелде.

  • Альберт  Нурминский - татарча рэп җырчысы. Тыңлаучылары 12 яшьтән башлап үсмерләр. Рэп текстларының төп темасы - урам романтикасы. Тумышы белән Балтачтан. Концертларын Татарстан буенча куя. 

татар-информ




Поделитесь с друзьями

© 2015-2018 Сетевое издание Сәхнә-Сцена.Все права защищены.

© ТАТМЕДИА. Все материалы, размещенные на сайте, защищены законом. Перепечатка, воспроизведение и распространениев любом объеме информации, размещенной на сайте, возможна только при наличии письменного согласия редакций СМИ.

Создано при поддержке Республиканского агентства по печати и массовым коммуникациям РТ.

Наименование СМИ: Сәхнә-Сцена (sahne.ru). Сайт зарегистрирован ФЕДЕРАЛЬНОЙ СЛУЖБОЙ ПО НАДЗОРУ В СФЕРЕ СВЯЗИ, ИНФОРМАЦИОННЫХ ТЕХНОЛОГИЙ И МАССОВЫХ КОММУНИКАЦИЙ (РОСКОМНАДЗОР). Свидетельство о регистрации СМИ ЭЛ № ФС77 – 69870 от 29.05.2017 г.

Учредитель СМИ: АО «ТАТМЕДИА». Адрес: 420066, Татарстан, г. Казань, ул. Декабристов д. 2

Адрес редакции: 420066, Татарстан, г. Казань, ул. Декабристов д. 2, 7 этаж.Телефон редакции +7 (843) 222-05-40 (1610), e-mail: saxna@mail.ru .

Главный редактор: Хуснутдинов Зиннур Зиятдинович (Зиннур Хуснияр).

О фактах коррупции просим сообщать по адресу saxna@mail.ru .

Антикоррупционная политика

Политика о персональных данных

Настоящий ресурс может содержать материалы 12+