Среда, 16 мая 2018 14:32 // Прочитано 140 раз

Казанда чемпионат вакытында Татарстанның симфоник оркестры милли әсәрләр уйнамаячак

(Казан, 16 май, «Татар-информ», Рузилә Мөхәммәтова). Татарстан Республикасы симфоник оркестры Казанда Футбол буенча дөнья чемпионаты уеннары үткән вакытта бер милли әсәр дә уйнамаячак. Моны Симфоник оркестрның сәнгать җитәкчесе Александр Сладковский чемпионат вакытында С.Рахманинов исемендәге “Белая сирень” фестивале үткәрелү белән бәйләп аңлата.

“Бу фестивальдә милли әсәрләр уйналу каралмаган. Милли әсәрләр өчен без “Мирас” фестивален үткәрәбез”, - дип аңлатты Александр Сладковский фестивальгә багышланган матбугат конференциясендә.

Бүген “Татар-информ” мәгълүмат агентлыгында С.Рахманинов исемендәге “Белая сирень” фестиваленә багышланган матбугат конференциясе үтте. Матбугат чарасының спикеры Александр Сладковский журналистларга фестиваль программасы турында тулы мәгълүмат бирде.

Концертлар Салих Сәйдәшев исемендәге Зур концертлар залында 2, 16, 23, 30 июнь һәм 7 июль көннәрендә үтәчәк. Программада – С.Рахманинов, Дм.Шостакович, Дж.Гершвин, Ф.Мендельсон, Н.Римский-Корсаковский, Р.Щедрин, С.Прокофьев һәм башка әсәрләр.

“Мин моннан сигез ел элек Казанга килгәндә безнең иҗади яктан нәрсәгә сәләтле икәнелегебезне күрсәтә торган инструмент кирәк һәм оркестр шул инструмент буласын белдем. Хәзер, күрәсезме, азмы-күпме әһәмиятле бер генә чара да оркестрдан башка узмый”, - диде Александр Сладковский оркестрның формада булуы һәм камил иҗат итүен ассызыклап.

Ә инде фестивальгә килгәндә, чемпионат вакытында “Белая сирень” фестивале үткәрелгәнгә күрә, милли әсәрләр булырга тиеш түгел, дип саный сәнгать җитәкчесе һәм баш дирижер. Моны ул формат башка булу белән аңлата.

“Әйткән булсалар, без чемпионат вакытында Нәҗип Җиһанов исемендәге “Мирас” фестивален уздырыр идек һәм анда татар композиторлары әсәрләре яңгырар иде”, - ди ул. Александр Сладковский фестиваль концепциясе рус классик музыкасы икәнлеген ассызыклады. "Сез миңа десертка винегрет бирергә тәкъдим итәсез? Десертка - винегрет?" - дип гаҗәпләнде ул "Татар-информ" хәбәрчесенең милли әсәрләр турындагы соравына. 

татар-информ




Поделитесь с друзьями

Добавить комментарий

Защитный код
Обновить

Филиал АО «ТАТМЕДИА» Редакция журнала «Сәхнә»

Учредитель СМИ: АО «ТАТМЕДИА». Сайт зарегистрирован ФЕДЕРАЛЬНОЙ СЛУЖБОЙ ПО НАДЗОРУ В СФЕРЕ СВЯЗИ, ИНФОРМАЦИОННЫХ ТЕХНОЛОГИЙ И МАССОВЫХ КОММУНИКАЦИЙ (РОСКОМНАДЗОР). Свидетельство о регистрации СМИ ЭЛ № ФС77 – 69870 от 29.05.2017 г.

Адрес редакции: 420066, Татарстан, г. Казань, ул. Декабристов д. 2
Телефон редакции +7 (843) 222-05-40 (16-10), e-mail: saxna@mail.ru

Режим работы: Понедельник–пятница с 9.00 до 18:00. Выходные: суббота, воскресенье.
Главный редактор: Хуснутдинов Зиннур Зиятдинович

Частичное или полное воспроизведение материалов журнала «Сәхнә» или сайта sahne.ru возможно только при наличии гиперссылки. 

© 2011 - 2018. Журнал «СӘХНӘ» . Все права защищены.
© ТАТМЕДИА. Все материалы, размещенные на сайте, защищены законом. Перепечатка, воспроизведение и распространение
в любом объеме информации, размещенной на сайте, возможна только с письменного согласия редакций СМИ.
Создано при поддержке Республиканского агентства по печати и массовым коммуникациям РТ

Политика о персональных данных

12+