Четверг, 17 мая 2018 07:28 // Прочитано 104 раз

Рөстәм Миңнеханов Кытайга эшлекле сәфәргә килде

(Казан, 17 май, "Татар-информ"). Бүген Татарстан Президенты Рөстәм Миңнеханов Кытайга эшлекле сәфәргә килде. Бу турыда Татарстан Президенты матбугат хезмәте хәбәр итте.

Ханчжоу шәһәрендә Татарстан Республикасы Президенты Чжэцзян провинциясе җитәкчелеге белән очрашачак, аерым алганда, Кытай Коммунистлар партиясенең провинция комитеты секретаре Чэ Цзюнь әфәнде белән.

Монда ук Татарстан-Чжэцзян эшлекле форумы уздырылачак. Эшлекле форум кысаларында берничә килешү имзалау көтелә.

Төштән соң Рөстәм Миңнеханов алдынгы ИТ-технологияләр һәм Alibaba компаниясенең интернет-коммерция өлкәсендәге эшчәнлеге белән танышачак; Dahua Technology һәм Hikvision видеокүзәтү системалары җитештерүче компаниядә булачак; шулай ук Geely компаниясенең автомобильләр төзү тәҗрибәсен өйрәнәчәк.

Иртәгә Фуцзянь провинциясенең Сямынь шәһәрендә Рөстәм Миңнеханов Кытай Коммунистлар партиясенең Сямынь шәһәре комитеты секретаре Пеи Цзинцзя әфәнде белән очрашачак һәм Татарстан-Фуцзянь эшлекле форумында катнашачак. Сямынь шәһәрендә тагын Татарстан Республикасы Президенты Meiya Pico компаниясенең кибериминлек өлкәсендәге хәл ителешләрен өйрәнәчәк, King Long United Automotive Industry Co компаниясенең автобуслар җитештерүе һәм XGMA компаниясенең йөк төягечләр һәм экскаваторлар җыю эшчәнлеге белән танышачак.

Татарстан Республикасы делегациясе составында Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Альберт Кәримов, Татарстан Республикасы Премьер-министры урынбасары – Татарстан Республикасы мәгълүматлаштыру һәм элемтә министры Роман Шәйхетдинов, Татарстан Республикасы Президентының халыкара мәсьәләләр буенча киңәшчесе Радик Гыйматдинов, Татарстан Республикасы Инвестицион үсеш агентлыгы җитәкчесе Талия Миңнуллина, Туризм буенча Татарстан Республикасы Дәүләт комитеты рәисе Сергей Иванов, «АК БАРС» банкы ГАҖ Идарәсе рәисе Зөфәр Гәрәев, Татарстан Республикасының КХРдагы сәүдә-сәнәгать вәкиле Марсель Гыйләҗев һәм башкалар бар.

татар-информ




Поделитесь с друзьями

Добавить комментарий

Защитный код
Обновить

Филиал АО «ТАТМЕДИА» Редакция журнала «Сәхнә»

Учредитель СМИ: АО «ТАТМЕДИА». Сайт зарегистрирован ФЕДЕРАЛЬНОЙ СЛУЖБОЙ ПО НАДЗОРУ В СФЕРЕ СВЯЗИ, ИНФОРМАЦИОННЫХ ТЕХНОЛОГИЙ И МАССОВЫХ КОММУНИКАЦИЙ (РОСКОМНАДЗОР). Свидетельство о регистрации СМИ ЭЛ № ФС77 – 69870 от 29.05.2017 г.

Адрес редакции: 420066, Татарстан, г. Казань, ул. Декабристов д. 2
Телефон редакции +7 (843) 222-05-40 (16-10), e-mail: saxna@mail.ru

Режим работы: Понедельник–пятница с 9.00 до 18:00. Выходные: суббота, воскресенье.
Главный редактор: Хуснутдинов Зиннур Зиятдинович

Частичное или полное воспроизведение материалов журнала «Сәхнә» или сайта sahne.ru возможно только при наличии гиперссылки. 

© 2011 - 2018. Журнал «СӘХНӘ» . Все права защищены.
© ТАТМЕДИА. Все материалы, размещенные на сайте, защищены законом. Перепечатка, воспроизведение и распространение
в любом объеме информации, размещенной на сайте, возможна только с письменного согласия редакций СМИ.
Создано при поддержке Республиканского агентства по печати и массовым коммуникациям РТ

Политика о персональных данных

12+