Четверг, 17 мая 2018 07:46 // Прочитано 135 раз

Баулыда балалар өчен уен мәйданчыгы төзүгә хоккей хәйрия туры акчалары тотылачак

(Казан, 17 май, “Татар-информ”, Чулпан Шакирова). Баулының “Шатлык” тернәкләндерү үзәге территориясендә мөмкинлекләре чикле балалар өчен уен мәйданчыгы төзеләчәк. Мәйданчыкны төзүдә “Вымпел” хоккей хәйрия турында һәр командадан җыелган взнос акчалары кулланыла. Бу хакта “Татар-информ”га “БлагоДарение” яшь буынга ярдәм итү һәм социаль башлангычларны гамәлгә ашыру хәйрия фонды директоры ярдәмчесе Алсу Сабирова хәбәр итте.

"13 май көнне “Татнефть Арена” боз сараенда Дәүләт Советы депутаты Ирек Салихов инициативасы белән төзелгән “БлагоДарение” хәйрия фонды, “Ядран-Ойл”компаниясе белән берлектә, хоккей буенча хәйрия фонды уздырды”, – диде Алсу Сабирова.

  • Әлеге турнир “Бергә булдырабыз” (“Сможем вместе”) республика проекты кысаларында оештырылган. Аның максаты: спорт тәрбиясен популярлаштыру һәм үсмерләр һәм яшьләрне хәйрия эшчәнлегенә тарту.

“Турнирда дүрт хоккей командасы көч сынашты. Болар - “Ядран-Ойл”, “Прокуратура”, “Добрая Казань”, “М7”. Һәр команда турнирда катнашу өчен билгеле күләмдә взнос кертте. Җыелган акчалар Баулы районының “Шатлык” тернәкләндерү территориясендә мөмкинлекләре чикле балалар өчен уен мәйданчыгы төзүгә тотылачак. “Шатлык” тернәкләндерү үзәгенә “БлагоДарение” хәйрия фонды ярдәм күрсәтә , – диде хәйрия фонды директоры ярдәмчесе.

Турнирны күпбалалы гаиләдә, социаль оешмаларда тәрбияләнүче, шулай ук мөмкинлекләре чикле балалар тамаша кылган. Алар өчен Боз сараеның фойесында мавыктыргыч программа оештырылган.

“Чарада шулай ук ТР Социаль яклау министры урынбасары Юлия Абдреева, “БлагоДарение” фонды Президенты Фәрит Салихов, Баулы районы башлыгы Ринат Хәмидуллин катнашты”, – диде Алсу Сабирова.

  • Беренче хәйрия хоккей турнирының җиңүчесе - “Прокуратура” командасы. Икенче урынны “М7” командасы яулаган. Өченче урында - “Ядран Ойл”. “Добрая Казань” командасы да истәлекле кубок белән бүләкләнгән.

татар-информ




Поделитесь с друзьями

Добавить комментарий

Защитный код
Обновить

Филиал АО «ТАТМЕДИА» Редакция журнала «Сәхнә»

Учредитель СМИ: АО «ТАТМЕДИА». Сайт зарегистрирован ФЕДЕРАЛЬНОЙ СЛУЖБОЙ ПО НАДЗОРУ В СФЕРЕ СВЯЗИ, ИНФОРМАЦИОННЫХ ТЕХНОЛОГИЙ И МАССОВЫХ КОММУНИКАЦИЙ (РОСКОМНАДЗОР). Свидетельство о регистрации СМИ ЭЛ № ФС77 – 69870 от 29.05.2017 г.

Адрес редакции: 420066, Татарстан, г. Казань, ул. Декабристов д. 2
Телефон редакции +7 (843) 222-05-40 (16-10), e-mail: saxna@mail.ru

Режим работы: Понедельник–пятница с 9.00 до 18:00. Выходные: суббота, воскресенье.
Главный редактор: Хуснутдинов Зиннур Зиятдинович

Частичное или полное воспроизведение материалов журнала «Сәхнә» или сайта sahne.ru возможно только при наличии гиперссылки. 

© 2011 - 2018. Журнал «СӘХНӘ» . Все права защищены.
© ТАТМЕДИА. Все материалы, размещенные на сайте, защищены законом. Перепечатка, воспроизведение и распространение
в любом объеме информации, размещенной на сайте, возможна только с письменного согласия редакций СМИ.
Создано при поддержке Республиканского агентства по печати и массовым коммуникациям РТ

Политика о персональных данных

12+