Вторник, 10 июля 2018 10:48 // Прочитано 98 раз

Быел Казан халыкара кинофестивалендә жюри составында Зилә Вәлиева булачак

Казан халыкара мөселман киносы фестивале 4 сентябрьдән 10 сентябрьгә кадәр үтә.

“Казан Кремле” музей-тыюлыгының генераль директоры Зилә Вәлиева быел XIV Казан халыкара мөселман киносы фестиваленең жюри әгъзасы булачак. Бу хакта «Татар-информ» мәгълүмат агентлыгында Казан халыкара мөселман киносы фестиваленә багышлап үткәрелгән матбугат конференциясендә билгеле булды.

Жюри составын Казан кинофестиваленең башкарма директоры Миләүшә Айтуганова игълан итте.

Казан халыкара мөселман киносы фестивален СССРның һәм Төрекмәнстанның халык артисты Мая-Гозель Аймедова җитәкли. Жюри составында унике кеше бар. Алар арасында Алжир, Төркия, Мисыр, Үзбәкстан, Италия, Азәрбәйҗан, АКШ, Тунистан кино белән бәйле иҗат әһелләре бар. Ел саен жюрига бер Татарстан иҗат әһеле дә кертелә. Төрле елларда жюри составында Дәүләт советы һәм халык язучысы Разил Вәлиев, халык язучысы Рабит Батулла, режиссер Фәрит Бикчәнтәев һәм башкалар катнашты. Быел кинофестивальдә жюри әгъзасы буларак дәүләт һәм мәдәният эшлеклесе Зилә Вәлиева катнаша.

  • Казан халыкара мөселман кинофестивале, “Алтын мөнбәр” исеме белән Зилә Вәлиева Татарстан мәдәният министры булган вакытта гамәлгә куелган иде. Зилә Вәлиева кинофестивальнең үсеше өчен зур тырышлык куйган шәхес буларак билгеле.
  • Казан халыкара мөселман киносы фестивале 4 сентябрьдән 10 сентябрьгә кадәр үтә.

Фото:Михаил Захаров

Автор: Рузилә Мөхәммәтова

Татар-Информ




Поделитесь с друзьями

Добавить комментарий

Защитный код
Обновить

Филиал АО «ТАТМЕДИА» Редакция журнала «Сәхнә»

Учредитель СМИ: АО «ТАТМЕДИА». Сайт зарегистрирован ФЕДЕРАЛЬНОЙ СЛУЖБОЙ ПО НАДЗОРУ В СФЕРЕ СВЯЗИ, ИНФОРМАЦИОННЫХ ТЕХНОЛОГИЙ И МАССОВЫХ КОММУНИКАЦИЙ (РОСКОМНАДЗОР). Свидетельство о регистрации СМИ ЭЛ № ФС77 – 69870 от 29.05.2017 г.

Адрес редакции: 420066, Татарстан, г. Казань, ул. Декабристов д. 2
Телефон редакции +7 (843) 222-05-40 (16-10), e-mail: saxna@mail.ru

Режим работы: Понедельник–пятница с 9.00 до 18:00. Выходные: суббота, воскресенье.
Главный редактор: Хуснутдинов Зиннур Зиятдинович

© Журнал «СӘХНӘ», 2011 - 2018. Все права защищены.

© ТАТМЕДИА. Все материалы, размещенные на сайте, защищены законом. Перепечатка, воспроизведение и распространение
в любом объеме информации, размещенной на сайте, возможна при наличии гиперссылки или с письменного согласия редакций СМИ.
Создано при поддержке Республиканского агентства по печати и массовым коммуникациям РТ

Политика о персональных данных

12+