Реклама

Пятница, 10 августа 2018 08:22 // Прочитано 33 раз

Мәскәү өлкәсендә татар яшьләре “Йолдызлар яңгыры” фестиваленә җыела

 
Фестиваль Мәскәү шәһәрендәге һәм өлкәсендәге татар яшьләре оешмаларын берләштереп, уртак проектлар эшләү максаты белән оештырыла.

11-12 августта Мәскәү өлкәсенең Иске Купавна шәһәре янында татар яшьләренең “Йолдызлар яңгыры” фестивале үтәчәк. Бу турыда Бөтендөнья татар конгрессыматбугат хезмәте хәбәр итте.

“Йолдызлар яңгыры”н “Бердәмлек” яшьләр клубы, Россия Мөфтиләр шурасы, Мәскәү татарлары “Штабы”, “Мирас”, “123 pro”, “Татарча волейбол”, “Яңарыш”, Татарстанның Россиядәге вәкиллеге каршындагы Яшьләр Советы, Башкортстан студетлары ассоциациясе оештыра. Чарада бизнес, татар теле, ислам дине буенча мастер-класслар үткәреләчәк, дизайнерлар ярминкәсе узачак. Шулай ук балалар мәйданчыгы эшлиячәк, диелгән әлеге хәбәрдә.

  • Мәскәү шәһәренең татар һәм башкорт яшьләре уртак проекты  "Йолдызлар яңгыры"ачык һава фестивале 11-12 августта Мәскәү өлкәсендә узачак.

Чараның координаторы, “Бердәмлек” яшьләр клубы җитәкчесе Римма Гомәрова белдергәнчә, “Йолдызлар яңгыры” фестивалендә 17-37 яшьлек 200 кеше катнашачак. Чара вакытында “Мәчет-чатыр” эшләп торачак. Яшьләр арасында Мәскәү шәһәре җәмигъ мәчете имамы Ислам хәзрәт Зарипов аңлату эшләре алып барачак һәм “Мәчет-чатырда” сораулары булучыларны кабул итәчәк. Шулай ук фестивальдә катнашучылар Иске Купавна шәһәре мәчетенә экскурсиягә барачак.

“Моңарчы Мәскәүдә барлык татар оешмаларының бер проектны эшләп чыгуда катнашканы юк иде. Һәрбер оешма вәкиле тырышып эшли. Мәсәлән, “Татарча волейбол” оешмасы спорт чараларын оештырса, Мәскәү татарлары “Штабы” бизнеска багышланган очрашуларны әзерли. Вәкиллек каршындагы Яшьләр Советы волонтерлар туплау эшен бара. Мөфтиләр Шурасы җирле хакимият белән сөйләшү эшләрен башкарып чыкты. Гомумән алганда, барлык оешмалар да актив эш алып бара. Иң мөһиме – барыбыз да берләшергә кирәклекне аңлый. Татар яшьләре проектына башкорт яшьләренең дә катнашуы куандыра. Алга таба башка проектларны да уртак итеп эшләргә җыенабыз”, - дип сөйләгән Римма Гомәрова.

Мәскәү татарлары “Штабы” координаторы Гөлнара Яруллина сүзләренчә, фестивальдә бизнес һәм татар теле темасы иң төп юнәлешләрнең берсе булып тора. Чөнки татар телен үстерү, саклауда акчалы татарларның катнашуы кирәк. Фестивальдә моңа аерым игътибар бирәчәкбез, дип саный ул.

“Йолдызлар яңгыры” фестиваленә кунак булып Иске Купавна шәһәре мэры да киләчәк. Казаннан Татар яшьләре форумы рәисе урынбасары Гүзәлия Гыйниятуллина катнашачак, диелгән фестиваленең матбугат үзәге хәбәрендә.

татар-информ

Фото: pixabay.com

Бу хакта тулырак: https://tatar-inform.tatar/news/2018/08/10/169431/




Поделитесь с друзьями

Добавить комментарий

Защитный код
Обновить

Игъланнар тактасы

Конкурслар

Филиал АО «ТАТМЕДИА» Редакция журнала «Сәхнә»

Учредитель СМИ: АО «ТАТМЕДИА». Сайт зарегистрирован ФЕДЕРАЛЬНОЙ СЛУЖБОЙ ПО НАДЗОРУ В СФЕРЕ СВЯЗИ, ИНФОРМАЦИОННЫХ ТЕХНОЛОГИЙ И МАССОВЫХ КОММУНИКАЦИЙ (РОСКОМНАДЗОР). Свидетельство о регистрации СМИ ЭЛ № ФС77 – 69870 от 29.05.2017 г.

Адрес редакции: 420066, Татарстан, г. Казань, ул. Декабристов д. 2
Телефон редакции +7 (843) 222-05-40 (16-10), e-mail: saxna@mail.ru

Режим работы: Понедельник–пятница с 9.00 до 18:00. Выходные: суббота, воскресенье.
Главный редактор: Хуснутдинов Зиннур Зиятдинович

Частичное или полное воспроизведение материалов журнала «Сәхнә» или сайта sahne.ru возможно только при наличии гиперссылки. 

© 2011 - 2018. Журнал «СӘХНӘ» . Все права защищены.
© ТАТМЕДИА. Все материалы, размещенные на сайте, защищены законом. Перепечатка, воспроизведение и распространение
в любом объеме информации, размещенной на сайте, возможна только с письменного согласия редакций СМИ.
Создано при поддержке Республиканского агентства по печати и массовым коммуникациям РТ

Политика о персональных данных

12+