Әти-әниләр һәм мөгаллимнәр өчен махсус кушымта

Вторник, 25 апреля 2017 14:55 // Прочитано 1210 раз

“Иң оста шигырь укучы бәйгесе”нең җиңүчеләре билгеле булды

Ниһаять, “Иң оста шигырь укучы бәйгесе”ндә җиңүчеләребезне билгеләр вакыт җитте. Конкурска 50 гә якын баланың видеоязмасы килгән иде. Бәйгенең беренче өлешендә тавыш бирү ярдәмендә, ягъни фикер калдырып иң оста шигырь сөйләүчеләрне билгеләдек. Соңыннан, жюри әгъзалары сайлап алынган тел осталарын үз иләкләре аша үткәрде. Яшь үзенчәлекләренә карап җиңүчеләр берничә номинациядә билгеләнде:

1. 3 – 6 яшькәчә балалар арасында:

Беренче урын: Данияр Рәхимуллин, 5 яшь, Казан шәһәре. “Әбине җәлләп кенә” (Р.Вәлиева) шигыре.

Икенче урын: Азалия Вәлиева, 6 яшь, Теләче районы. “Сөткә төшкән тычкан” (Г.Тукай) шигыре.

Өченче урын: Гадел Хәбибуллин, 5 яшь, Балык Бистәсе районы. Р.Вәлиева “Кәләпүшем-кәләпүш” (Р.Вәлиева) шигыре.

 

2. 7 – 10 яшькәчә балалар арасында:

Беренче урын: Айзат Хәсәнов, 8 яшь, Әлмәт районы. “Таз” (Г.Тукай) шигыре.

Икенче урын: Азамат Шәһхетдинов, 9 яшь, Чистай районы. “Карак песи” (М.Җәлил) шигыре.

Өченче урын: Искәндәр Зиннуров, 9 яшь, Мамадыш районы. “Таян Аллага” (Г.Тукай) шигыре.

 

3. 11 – 15 яшькәчә балалар һәм яшьүсмерләр арасында:

Беренче урын: Илүсә Камалиева, 13 яшь, Казан. “Дисбе” (Р.Вәлиев) шигыре.

Икенче урын: Әдилә Сәгыйрова, 12 яшь, Теләче районы. “Толымнарың синең” (Р.Вәлиева) шигыре.

Өченче урын: Айгөл Гыйззәтуллина, 9 сыйныф. “Рәнҗемәсен” (Ф.Яруллин) шигыре.

 

4. 16-20 яшькәчә яшьләр арасында:

Беренче урын: Салават Латыйпов, 10 сыйныф, Азнакай районы.  “Җирдәшләр” (С.Сөләйманова) шигыре.

Икенче урын: Айгизә Галләмова, 16 яшь, Актаныш районы.  “Ана теле” (Г.Афзал) шигыре.

Өченче урын: Ксения Федотова, 16 яшь, Чистай районы. “Теләнче” (Г.Тукай) шигыре.

 

Бәйгедә беренче урын алучыларга акчалата бүләкләр тапшырылачак. Калган җиңүчеләргә истәлекле бүләкләр һәм “Сәхнә” журналының махсус дипломнары бирелә.

 

Моннан тыш, Мамадыш районыннан  иң кечкенә катнашучыбыз Әминә Зиннурованы (“Кояш безнең дустыбыз”, Р.Корбан) һәм Түбән Кама шәһәреннән Билал Павловны (“Сөткә төшкән тычкан”, Г.Тукай) жюри әгъзалары аерым игътибарга лаек дип тапты. Аларга “Тамашачы мәхәббәте” дигән номинациядә махсус дипломнар тапшырылачак.

Котлыйбыз сезне! Алга таба да конкурсларыбыз дәвам итә, безнең белән булыгыз.




Поделитесь с друзьями

Добавить комментарий

Защитный код
Обновить

Игъланнар тактасы

Конкурслар