Татарстанда һава торышы кискен үзгәрә

Киләсе атна уртасында Казанга кабат эссе көннәр әйләнеп кайтачак. Пәнҗешәмбе көндез 26 градуска кадәр җылыта. Бүген КФУның метеорология, климатология һәм атмосфера экологиясе кафедрасы мөдире Юрий Переведенцев «Татар-информ» агентлыгына шул хакта хәбәр итте.

«Арктикадан салкын атмосфера фронты килүгә бәйле рәвештә республикада бераз суытып җибәрде. Әмма хәзер җәйнең кызу вакыты, 21 июньдә җәйге кояш торгынлыгы күзәтеләчәк. Киләсе атнада республикага кабат эссе көннәр әйләнеп кайта. РФ Гидрометеоүзәге фаразлавынча, пәнҗешәмбе, 20 июньдә, көндез термометрның терекөмеш баганасы +26 градуска кадәр күтәреләчәк», - диде ул.

Спикер билгеләп үткәнчә, хәзер эссе дулкыннарны салкын дулкыннар алыштыра. Бу җәй өчен хас күренеш. РФ Гидрометеоүзәге фаразларына караганда, киләсе атна уртасында температура күтәрелә башлаячак. Әйтик, 19 июньдә көндез +25 градуска кадәр җылыта. Шул ук вакытта, бу атна ахырында һәм киләсе атна башында явым-төшемнәр көтелә. «Көн саен яңгыр явачак. Хәзер без антициклон үзәгендә торабыз», - диде профессор.

РФ Гидрометеоүзәге фаразлавынча, 17 июньдә көндез +22, 17сеннән 18 июньгә каршы төндә +8 градус җылы булачак. 18 июньдә көндезге сәгатьләрдә термометрның терекөмеш баганасы +22 градуска кадәр күтәреләчәк. 18еннән 19 июньгә каршы төндә +13, 19ыннан 20 июньгә каршы төндә +15 градуска кадәр җылыта. 15еннән 20 июньгә кадәр көн саен яңгыр көтелә.

«Төнге һәм көндезге температуралар күтәрелә башлый, җәй дәвам итә. Июньдә уртача тәүлеклек температураның күпьеллык климатик нормасы 18-19 градус тәшкил итә. Бүген-иртәгә температура нормадан түбәнрәк булачак. Әмма дүшәмбе-сишәмбедән ул арта башлаячак һәм нормадан югары күтәреләчәк», - диде Юрий Переведенцев.

Чыганак: Татар-информ

Иң мөһим һәм кызыклы язмаларны Татмедиа Telegram-каналында укыгыз


Ошый
127
0
0
Комментарийлар (0)
Cимвол калды:
Күптән түгел әни булган Лилия Сәләхетдинова үзен ничек хис итә?
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Связь поколений
Реклама
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы