«Аягымнан тотып селкесәгез дә, акчам юк»

Икенче бәбиен көткән Рәфинә Ганиуллина шушы көннәрдә әнисе-туганнарына багышлаган пост язып, күпләрне елатты. 2016 елның көзендә ‒ әнисе Зөлфиягә булган инсульт, аннан башына ясаткан операциядән соң табиблар биш кыз туганга әниләренең күп дигәндә 3-4 ай калган, дигән булган икән... Кызларның тырышлыгы, ихтирамы, назы ‒ Зөлфия апа бүген дә, тфү-тфү, үз аякларында концерт-тамашалардан кайтып керми. Кайберәүләр Ганиуллиналарның йөрәгенә тоз сибеп, әниегез һаман сөйләшмимени, 50 меңлек могҗиза-дару бар, сез шуны алмаслыкмыни, дияргә дә кыенсынмый икән...

Ә бит бал корты төсле берсеннән-берсе тырыш кызларгамы соң инде акыл сату! Рәфинәгә ‒ 9, төпчекләренә 2 яшь вакытта әтиләре ташлап киткәннән соң тормыш аларны еламаска өйрәткән шул инде. «Оят булса да әйтим, типсә тимер өзәрлек вакыты иде әтинең, типмәде генә», ‒ дип искә ала аны Рәфинә. Ә кызлар, үсеп җитүгә әниләрен чит илгә дә алып чыктылар, фитнес клубка абонемент та алып биргәннәр, ноутбукмы, бәйрәм-мазарга бүләк дисеңме...

Әнисенең кием бүлешкән кызларына: «Аягымнан тотып селкесәгез дә, акчам юк», ‒ дигән сүзләре дә хәтердә икән Рәфинәнең, әмма аның урынына әнә нинди тәрбия-туганлык хисләре сеңдереп үстергән ул балаларына. Афәриннән артык сүз табып булмый хәтта!

Ә без Зөлфия апага тагын бер кат исәнлек-саулык телик әле. Мондый балалары янәшәсендә яшисе дә яшисе аңа.

Автор: Гөлнара Җәлилова

Иң мөһим һәм кызыклы язмаларны Татмедиа Telegram-каналында укыгыз


Ошый
406
0
0
Комментарийлар (0)
Cимвол калды:
Синнән башка биш ел...
FIFA җанатарлары фестиваленнән фоторепортаж
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Антикоррупция
Реклама
FIFA җанатарлары фестиваленнән фоторепортаж
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы