Диварда - Юрий Шатунов

Әгерҗедә яшәүче үзешчән рәссам Радик Ибрашев, бетон диварда Юрий Шатуновның портретын ясап, июнь ахырында вафат булган җырчының истәлеген мәңгеләштергән. Граффити «Локомотив» стадионы янында барлыкка килгән.

Автор «Татар-информ» агентлыгына белдергәнчә, рәссамга Шатуновның портретын ясау үтенече белән җырчының фанаты мөрәҗәгать иткән, ул социаль челтәрләрдә кирәкле материалларга акча җыюны оештырган. «Кешеләр акциядә бик теләп катнашты, кемдер – 100, кемдер 200 сум күчерде. Миңа ул артыгы белән җитте һәм ике көндә җырчының портретын иҗат иттем», - дип өстәде Ибрашев.

Портретның биеклеге  2 метр, киңлеге 4 метр тәшкил итә. Бетон диварның берсендә җырчының портреты урнашкан, ә икенчесендә соңгы җырындагы бер куплет урын алган.

Радик Ибрашев граффитины Шатуновның реаль фотосы нигезендә иҗат иткән. Ул аны туксанынчы елларда илебездә яшәүче күпләрнең хәтерендә калган яшь артист түгел, ә урта яшьләрдәге ир-ат итеп сурәтләгән.

Бу хакта тулырак: tatar-inform

 

Иң мөһим һәм кызыклы язмаларны Татмедиа Telegram-каналында укыгыз


Ошый
1207
0
0
Комментарийлар (0)
Cимвол калды:
"Көчсез буласым килә"
FIFA җанатарлары фестиваленнән фоторепортаж
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Минзәлә театры Сабир Өметбаев бюстын аның туган авылына бүләк итте
Реклама
FIFA җанатарлары фестиваленнән фоторепортаж
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы