Леонид Якубович һәм Эдита Пьеха арасында яшерен элемтә ачылды

Леонид Якубович белән Эдита Пьеханы бер дата бәйле. Җырчы һәм СССРның халык артисты Санкт-Петербургта, шоумен Мәскәүдә яши һәм эшли. Шуңа да карамастан, аларның биографияләрендә гомуми детальләр бар. Ике артист та 31 июльдә туган көнен билгеләп үтә.

Леонид Якубович 1945 елның 31 июлендә Мәскәүдә туа. Укучы булып Себергә экспедициягә эшкә китә. Моның өчен аны мәктәптән төшереп калдыралар, һәм аңа эшче яшьләрнең кичке мәктәбендә укырга, бер үк вакытта авиация заводында электромеханик булып эшләргә туры килә.

Еллар узу белән самолетларга омтылышы үзгәрми: Леонид Якубович үзенең буш вакытын спорт самолетларында очышларга багышлый. Моннан тыш, шоумен бильярд, тау чаңгысы белән мавыга, шулай ук китаплар җыя. Кайчагында җилкән астында йөри һәм парашюттан сикерә. Леонид Якуб улы өч тапкыр өйләнгән, аның ике баласы – улы һәм кызы бар.

Шул ук көнне Эдита Пьеха да туган, әмма сигез елга иртәрәк. СССРның булачак халык артисты Франциянең төньягында эмигрантлар гаиләсендә дөньяга килә. 1946 елда Эдита гаиләсе Польшага күчеп килә, ул анда кызыл диплом белән педагогия лицеен тәмамлый. Шул ук вакытта ул рус теле укыткан һәм хорда җырлаган. Җырчы бүген дә сәхнәдә чыгыш ясый һәм җырлары белән тамашачыларын сөендерә.

@yakubovitch

Г.Ярмиева

 

Иң мөһим һәм кызыклы язмаларны Татмедиа Telegram-каналында укыгыз


Ошый
501
0
0
Комментарийлар (0)
Cимвол калды:
Хәния Фәрхи турында: «Бөтен акчасын ир-атларга биреп бетерде, үзенә кайтырлык та акчасы калмады»
FIFA җанатарлары фестиваленнән фоторепортаж
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Инфоролик
Реклама
FIFA җанатарлары фестиваленнән фоторепортаж
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы