Четверг, 15 декабря 2016 20:38 // Прочитано 685 раз

Татарстанның Дәүләт җыр һәм бию ансамбле Болгар шәһәре турындагы риваятькә нигезләнеп эшләнгән «Изге бакча» хореографик спектаклен тәкъдим итте

12 декабрьдә Муса Җәлил исемендәге опера һәм балет театры сәхнәсендә Татарстан Республикасы Дәүләт җыр һәм бию ансамбле «Изге бакча» дип исемләнгән хореографик спектакль премьерасын тәкъдим итте.

Спектакльне Радик Сәлимов музыкасына Россиянең танылган хореографы Георгий Ковтун куйган. Костюмнар буенча рәссам – Бакый Урманче премиясе лауреаты Әсәл Исмәгыйлева. Радик үзе сәхнәгә дәрвиш ролендә чыкты.

Сюжет нигезендә Болгарны әйләндереп алган алма бакчалары турында риваять ята. Бакчалар да шәһәр белән бергә юк ителә. Ханның ятим калган кызы Зөбәрҗәтнең сөйгәне Тайфур Акыл иясенең күрәзәсе буенча Ефәк юлы буйлап сәфәргә кузгала – алмагач үсентеләрен эзли. Бакча терелсә, шәһәр дә тереләчәк! Тереклек кенә тереклекне терелтә ала. Юлында аңа төрлесе очрый – баш югалтыр мизгелләрдә азан тавышы коткара...

Дошман җиңелә, бакча яңадан чәчәккә күмелә, шәһәр яңартыла. Сәхнәдә – җыр-бию – әмма Җыр һәм бию ансамбленең традицион репертуарындагы милли җырлар һәм биюләр башка юнәлешләр белән “коктейльләшкән” иде. Куючы режиссер Акыл иясен әйләнүче суфи – Мәүләна тәрикате тарафдары итеп күзаллаган. Сәхнәдә һинд, кытай стильләре дә күз алдыннан үтте. Спектакль үзе дә, костюмнар да билгеле бер вакыт аралыгы белән чикләнмәгән. Сюжет корылган тарихи чорны билгеләү авыр. Болгарны яндырган дошманнар тарихи образлар түгел, программада күрсәтелгәнчә, Шайтан һәм аның ялчылары иде.

Империя рус балеты җитәкчесе Гедиминас Таранда коллегаларын котларга сәхнәгә чыккач: “Бүген Дәүләт җыр һәм бию ансамбле халык коллективы барырга тиешле юлны күрсәтте, монда халык фольклоры, монда нинди халык уен кораллары, монда нинди тавышлар! – дип сокланды. - Биючеләр фантастик эш башкардылар - бүген биш спектакльлек биеделәр бит! Берничә ай элек килгән идем – кечкенә генә залда йөзләп кеше репетиция ясый иде. Бу халык коллективы чын сәнгать әсәре тудырган. Бөтен башка коллективлар аларга тигезләшергә омтылачак”.

Спектакльне куючы режиссер, Г,Тукай исемендәге дәүләт премиясе лауреаты Георгий Ковтунга чигешле татар читекләре бүләк иттеләр.

Залда танылган җырчы Динә Гарипова да бар иде: “Без Радик Сәлимов белән дуслар. Бүген аны уңышы белән котларга килдем”, диде ул.

Мәгълүмат өчен: Татарстан Республикасы Дәүләт җыр һәм бию ансамбле Казанда еш чыгыш ясамый. Ул нигездә татар милли сәнгатен илләрдән илләргә йөртә торган коллектив. Ансамбльнең декабрь концертлары тамашачының көтеп алган тамашасы һәм ул аншлаг белән үтә. Моннан ике ел элек ансамбль “Ак морзалар” хореографик композициясен чыгарса, алдагы елларда “Җиде энҗе бөртеге” проектын тәкъдим иткән иде.

http://tatar-inform.tatar/

Премьерадан фоторепортажны биредә карый аласыз: http://sahne.ru/all-media/foto/item/1334-tatarstan-respublikasy-d-l-t-yr-m-biyu-ansamble-bolgar-sh-re-turyndagy-rivayatk-nigezl-nep-eshl-ng-n-izge-bakcha-khoreografik-spektaklen-t-k-dim-itte




Поделитесь с друзьями

Добавить комментарий

Защитный код
Обновить

Филиал АО «ТАТМЕДИА» Редакция журнала «Сәхнә»

Учредитель СМИ: АО «ТАТМЕДИА». Сайт зарегистрирован ФЕДЕРАЛЬНОЙ СЛУЖБОЙ ПО НАДЗОРУ В СФЕРЕ СВЯЗИ, ИНФОРМАЦИОННЫХ ТЕХНОЛОГИЙ И МАССОВЫХ КОММУНИКАЦИЙ (РОСКОМНАДЗОР). Свидетельство о регистрации СМИ ЭЛ № ФС77 – 69870 от 29.05.2017 г.

Адрес редакции: 420066, Татарстан, г. Казань, ул. Декабристов д. 2
Телефон редакции +7 (843) 222-05-40 (16-10), e-mail: saxna@mail.ru

Режим работы: Понедельник–пятница с 9.00 до 18:00. Выходные: суббота, воскресенье.
Главный редактор: Хуснутдинов Зиннур Зиятдинович

Частичное или полное воспроизведение материалов журнала «Сәхнә» или сайта sahne.ru возможно только при наличии гиперссылки. 

© 2011 - 2018. Журнал «СӘХНӘ» . Все права защищены.
© ТАТМЕДИА. Все материалы, размещенные на сайте, защищены законом. Перепечатка, воспроизведение и распространение
в любом объеме информации, размещенной на сайте, возможна только с письменного согласия редакций СМИ.
Создано при поддержке Республиканского агентства по печати и массовым коммуникациям РТ

Политика о персональных данных

12+