Театр - яктылыкка, нурга илтә. Кире юлга җибәрми, уңга илтә. 
(Габдулла Тукай)

Понедельник, 26 июня 2017 13:16 // Прочитано 605 раз

Күңелеңдә калдым...

Күңелеңдә калдым. Нәни очкын булып. 
Бик интеккән чакта салкыннан 
Шул очкынга бер елмаю ташла - 
Кайнарлыкны ул да сагынган...

Өстәп җибәр бер ягымлы караш. 
Керфекләрең назлы ачылсын. 
Сайлап-сайлап кына шаяру куш. 
Матур сүзнең өстә кайсысын... 

Шуклык кирәк тагы, әзрәк мутлык, 
Күзне күзгә текәп моңаю... 
Авыр сулап юри генә шунда, 
Юатырдай җылы сүз табу... 

Танымассың нәни очкыныңны. 
Учак дөрләп китәр күңлеңдә. 
Кыраулы яз - синең өчен түгел. 
Кояшлы җәй килсен күгеңә! 

Янсын учак, зур бер йолдыз кебек, 
Яктысыннан җөйләр төзәлер. 
Ә бу вакыт 
Июнь урманында 
Сак-сок кебек ялгыз бер нәни кош 
Таң атканчы сайрап өзелер... 

Соңгы сандугачы ул урманның. 
Җүләр хиснең соңгы ташкыны... 
Җәйләр үтәр. Учак сүнгән чакта 
Алып кал син нәни очкынын... 

 

Автор:  Халисә Ширмән


Поделитесь с друзьями

Добавить комментарий

Защитный код
Обновить

Игъланнар тактасы

Конкурслар

Әти-әниләр һәм мөгаллимнәр өчен махсус кушымта