Пятница, 28 апреля 2017 10:17 // Прочитано 776 раз

Җиңүчеләрне котладык (ВИДЕО)

Бүген редакциябездә “Иң оста шигырь укучы” бәйгесендә җиңүче балаларны котладык. Әлеге конкурс март аенда игълан ителгән иде.
Бәйгенең сайлап алу этабы бер ай дәвам итте. Конкурска республикабызның төрле районнарыннан иллегә якын видеоязма тәкъдим ителгән иде. Беренче өлештә тавыш бирү ярдәмендә иң оста шигырь сөйләүчеләрне билгеләдек. Соңыннан, жюри әгъзалары сайлап алынган тел осталарын үз иләкләре аша үткәрде. Яшь үзенчәлекләренә карап җиңүчеләр берничә номинациядә билгеләнде. 3 – 6 яшькәчә балалар арасында беренче урынны Казан шәһәреннән Данияр Рәхимуллин алды. 7 – 10 яшькәчә балалар арасында Әлмәт шәһәреннән Айзат Хәсәнов беренче урынга лаек дип табылды. 11 – 15 яшькәчә балалар һәм яшьүсмерләр арасында Казаннан Илүсә Камалиева һәм 16-20 яшькәчә яшьләр арасында Азнакайдан Салават Латыйпов беренчелекне яуладылар. Балаларны “Сәхнә” һәм “Салават күпере” журналларының баш мөхәррире Зиннур Хөснияр котлады. “Сәхнә” журналының чыга башлавына быел – 15 ел, ә “Салават күпере”нә 30 ел тула. Бу вакыт эчендә бик күп эш башкардык. Әлеге журналлар нигезендә ничә буын тәрбияләнде. Балалар белән белән һәрвакыт элемтәдә торасы, аларны үсендерәсе килә. Әле менә күптән түгел генә “Сәйяр” мәктәп театр коллективлары фестивале тәмамланды. Әлеге матур гадәтне быел да дәвам итәргә уйлыйбыз. Шулай ук “Сәхнә” журналында һәм сайтында бик күп бәйгеләр оештырылып килә. Әлеге вакытта “Яраткан артистым” рәсем бәйгесенә эшләр кабул итү бара, тиздән биючеләр өчен конкурс тәкъдим итәргә җыенабыз. Болар барысы да үсеп килүче яшь буында телебезгә, мәдәниятебезгә карата мәхәббәт уяту, яңа талантлар ачу, сәләтле балаларыбызны тагын да үстереп җибәрү, халыкка таныту максатыннан оештырыла”, – дип сөйләде ул. Килгән кунаклар бу бәйгедә бик теләп катнашуларын һәм рәхмәт сүзләрен җиткерде. Ә балалар исә рәхәтләнеп Шүркә белән күңел ачтылар. Ахырдан бәйрәм чәй өстәле артында дәвам итте.



Поделитесь с друзьями

Комментарии  

+1 #2 Флера Муртазина 30.04.2017 07:57
"Сәхнә" журналына балаларда татар телен, татар сәнгатен өйрәнүгә кызыксыну тәрбияләүдә керткән бәясез өлешләре өчен аерым рәхмәт әйтәсе килә! Алар безне шулкадәр җылы каршы алдылар, чәй өстәлләре әзерләделәр, балаларга үзләренең матур теләкләрен җиткерделәр. Журналның баш мөхәррире Зиннур Хөсниярнең балаларны чын күңелдән котлавы, истәлекле бүләкләр тапшыруы аеруча якты хисләр калдырды. Сау- сәламәт булыгыз, эшегездә, тормышыгызда һәрчак уңышлар юлдаш булсын! Ярышта төрле урыннар алган балаларны, гомумән, катнашкан барлык балаларны шулай ук котлыйбыз! Сезне бик күп кешеләр тыңладылар, бәяләделәр, белделәр. Димәк, сез инде барыгыз да җиңүчеләр! Молодцы!
Цитировать
+2 #1 Сирина Рахимуллина 28.04.2017 18:54
Бу бэйгене оештыручыларга бик ЗУР рэхмэт!!!Булэклэрегез,жылы ихлас сузлэрегез,тэмле чэйлэрегез бн кунелебезне куруегез очен аеруча ЗУР рэхмэт сезгэ!!!!
Цитировать

Добавить комментарий

Защитный код
Обновить

Филиал АО «ТАТМЕДИА» Редакция журнала «Сәхнә»

Учредитель СМИ: АО «ТАТМЕДИА». Сайт зарегистрирован ФЕДЕРАЛЬНОЙ СЛУЖБОЙ ПО НАДЗОРУ В СФЕРЕ СВЯЗИ, ИНФОРМАЦИОННЫХ ТЕХНОЛОГИЙ И МАССОВЫХ КОММУНИКАЦИЙ (РОСКОМНАДЗОР). Свидетельство о регистрации СМИ ЭЛ № ФС77 – 69870 от 29.05.2017 г.

Адрес редакции: 420066, Татарстан, г. Казань, ул. Декабристов д. 2
Телефон редакции +7 (843) 222-05-40 (16-10), e-mail: saxna@mail.ru

Режим работы: Понедельник–пятница с 9.00 до 18:00. Выходные: суббота, воскресенье.
Главный редактор: Хуснутдинов Зиннур Зиятдинович

Частичное или полное воспроизведение материалов журнала «Сәхнә» или сайта sahne.ru возможно только при наличии гиперссылки. 

© 2011 - 2018. Журнал «СӘХНӘ» . Все права защищены.
© ТАТМЕДИА. Все материалы, размещенные на сайте, защищены законом. Перепечатка, воспроизведение и распространение
в любом объеме информации, размещенной на сайте, возможна только с письменного согласия редакций СМИ.
Создано при поддержке Республиканского агентства по печати и массовым коммуникациям РТ

Политика о персональных данных

12+