Театр - яктылыкка, нурга илтә. Кире юлга җибәрми, уңга илтә. 
(Габдулла Тукай)

Понедельник, 17 апреля 2017 10:10 // Прочитано 572 раз

“Ай тотылган төндә”

Күптән көтелгән премьера! Чаллы татар дәүләт драма театрында танылган башкорт классигы Мостай Кәримнең “Ай тотылган төндә” әсәренең  премьерасы булды.

Пьесаның язылуына ярты гасырдан артык вакыт узып, йөзләгән театрларның сәхнәләре аша узса да, ул бүгенге көндә дә яңгырашын югалтмаган әсәр. Мостай ага Кәримнең 100еллыгы якынлашкан вакытта, театрның бу әсәргә алынуы гаҗәп түгел. 

Әсәрне  театрның баш режиссёры, Татарстанның атказанган сәнгать эшлеклесе, М.Җәлил исемендәге премия лауреаты Фаил Ибраһимов сәхнәләштерде. Спектакльнең рәссамы Россиянең һәм Калмык Республикасының атказанган сәнгать эшлеклесе Валерий Яшкулов. Аның Чаллы театры белән иҗатташлыгы Зифа Кадыйрованың “Язмыш сынавы” әсәрен сәхнәләштергәндә башланган иде.

Спектакльгә көйләрне театр белән иҗади дуслыкта торучы композитор, Татарстанның атказанган сәнгать эшлеклесе Юрий Чаплин (Казан) язды. А.П.Чеховның “Яшәргә, яшәргә, ничек тә яшәргә...” , Р.Сабырның “Сигезле биюе” моңсу комедиясендә дә нәкъ менә аның көйләре яңгырый. Иҗат төркемендә биюләрне куючы Нурбәк Батуллинның (Казан) да булуы театр өчен зур яңалык булды.

Трагедиядә Тәңкәбикә ролен Татарстанның атказанган артисты, Д.Сираҗиев исемендәге премия лауреаты Энҗе Шиһапова башкара. Казан театр училищесын тәмамлап, бу сезонда гына труппага килеп кушылган театрның иң ящь артистлары Руслан Әюпов (Акъегет), Зөлфия Гыйльметдинова (Зөбәрҗәт), Зөлфия Галиуллиналарның (Шәфәкъ) исә тәүге дебютлары.

 




Поделитесь с друзьями

Комментарии  

0 #1 Лилия 01.05.2017 17:58
удачи :-)
Цитировать

Добавить комментарий

Защитный код
Обновить

Игъланнар тактасы

Конкурслар

Әти-әниләр һәм мөгаллимнәр өчен махсус кушымта