Театр - яктылыкка, нурга илтә. Кире юлга җибәрми, уңга илтә. 
(Габдулла Тукай)

Понедельник, 26 июня 2017 09:13 // Прочитано 390 раз

Чаллы татар дәүләт драма театрының «Ай тотылган төндә» спектакле

Чаллы татар дәүләт драма театры артисты Энҗе Шиһапова:

Казан театр училищесында укыган чакта ук, без сәхнә теле дәресенә үзебезгә ошаган әсәрләрдән өзекләр сайлап килә идек. Хәтерлим, курсташым Райнур белән Мостай Кәримнең «Ай тотылган төндә» пьесасыннан Зөбәрҗәт һәм Акъегетнең мәхәббәт сәхнәсен сайладык.

Сәхнә тормышым Чаллы театрында башланып китте. Еллар үтте, мин инде Зөбәрҗәтне уйнау яшеннән уздым. Баш режиссерыбыз Фаил абый, Мостай Кәримнең «Ай тотылган төндә» әсәрен сәхнәләштерәчәк икәнен әйтте һәм миңа Тәңкәбикә ролен тәкъдим итте. Студент чагымда уйнарга хыялланган Зөбәрҗәтем миңа тагын да тирәнрәк, саллырак Тәңкәбикә образы аша әйләнеп кайтты. Образны иҗат итү бик күп газаплы мизгелләр аша барды. Эшли башлаган көннәрдә Тәңкәбикә белән холыкларыбыз бик охшаш кебек тоела иде. Ләкин тирәнрәк кергән саен, холкыбыз бөтенләй охшамаганын тойдым. Режиссер бу спектакль аша кешенең эчке бәйсезлеге, аның һәрчак шәхес булып калу мөмкинлеге барлыгы турында искәртергә телидер кебек.




Поделитесь с друзьями

Добавить комментарий

Защитный код
Обновить

Игъланнар тактасы

Конкурслар

Әти-әниләр һәм мөгаллимнәр өчен махсус кушымта