Татар театрлары гастрольләрдә

С.Өметбаев исемендәге Минзәлә Татар дәүләт драма театры артистлары март аен Татарстан һәм Башкортстан районнары буенча гастрольдә үткәрәчәк. Тамашачы игътибарына Әбү Бәкернең «Буйдаклар» һәм Әхәт Гаффарның «Бер картлыкта, бер яшьлектә» пьесалары тәкъдим ителә.

Туймазы Татар дәүләт драма театры 21 мартка кадәр Башкортстан районнары буенча гастрольдә булачак. Тамашачылар игътибарына Николай Коляданың «Тю-тю, мәхәббәт, яки Тавыкбаш» комедиясе һәм Галиәсгар Камалның «Беренче театр» әсәре буенча сәхнәләштерелгән «Әйдә, киттек театрга!» дигән юмористик тамаша тәкъдим ителә. Балалар исә Туймазы театры артистлары башкаруында Самуил Маршакның «Кошкин дом» әкият-пьесасын карый алачак.