Әлмәт театрының яңа җиңүләре

Театр труппасына күптән түгел кушылуына карамастан, кыска вакыт эчендә тамашачы мәхәббәтен яуларга өлгергән Динар Хөснетдинов Кияүнең дусты роле өчен «Икенче пландагы ир-ат ролен иң яхшы башкаручы» номинациясендә җиңүче дип билгеләнде. Спектакльне сәхнәләштергән Искәндәр Сакаев исә фестивальнең төп бүләкләренең берсе – «Иң яхшы режиссёр эше» номинациясендә җиңү яулады.

Шулай ук Искәндәр Сакаев куелышында «Гашыйк Кәриб» спектакле белән күп кенә фестивальләрдә Татарстан театрлары данын яклап, төрле номинацияләрдә бүләкләр яулаган Әлмәт театры төрле дәрәҗәдәге театраль форумнарда уңышлы катнашуын дәвам итә. Театр коллективына хезмәтләрендә уңышлар, яңа иҗади казанышлар телибез!