Алексей Воробьев үзгәргән

      Россия эстрадасы артисты һәм җырчысы Алексей Воробьев яңа роле өчен тышкы кыяфәтен үзгәрткән. Хәзер актер озын чәчле, мыеклы. Ул итальян фильмында серфер ролен башкара, анда вакыйгалар 80 нче елларда бара. Алексей Воробьев үзенең кыяфәте үзгәрү процессын видеога төшереп инстаграмда шәхси аккаунтына урнаштырган. Актер үзен "Шрек" мультфильмындагы принц Чармингка тиңли, ә аның җанатарлары чит ил актерлары Брэд Питт, Дэвид Бекхэм, Крис Хэмсворт белән охшашлык күрәләр.

     Бу Алексейның беренче генә роле түгел, күпләребез аның "Горные огни", "Вставай и бейся" драмасындагы рольләре белән таныш.

Фотолар актерның шәхси аккаунтыннан алынды