Алинә Заһитова үзизоляция вакытында ничек шөгыльләнә?

2018 елның Олимпия чемпионы Алинә Заһитова әлеге көндә әти-әнисе янында Казанда.  Узган көнне Алинәнең әтисе Илназ Заһитов аның үзизоляция вакытында ничек шөгыльләнгәнен инстаграмда күрсәтте.

Илназ Заһитов урнаштырган фотода тормыш иптәше Ләйсән кызына күнегүләр ясарга ярдәм итә. «Әнисе кечкенә чакта Алинәне ничек растяжка ясарга булышканын искә төшерә», – дип яза ул.

Искәртеп китик, фигуралы шуу остасы Алинә Заһитова узган елны  спорт карьерасын туктатып торачагы хакында белдергән иде.