Азия халыкара кинофестивалендә Татарстанда төшерелгән ике фильм тәкъдим ителә

Мисырның Шарм-эль-Шейх шәһәрендә үткәрелүче Азия халыкара кинофестивалендә жюрида «Татаркино» оешмасы директоры Миләүшә Айтуганова да була.

Татарстанда төшерелгән «Байгал» һәм «Киллер» фильмнары Азия халыкара кинофестиваленең төп конкурсына кертелгән. Бу хакта «Татаркино» оешмасының матбугат үзәге хәбәр итә.

Мисырның Шарм-эль-Шейх шәһәрендә үткәрелүче Азия халыкара кинофестивалендә Татарстанны «Татаркино» оешмасы директоры Миләүшә Айтуганова, ТР Кинематографистлар берлеге рәисе, кинорежиссер Илдар Ягъфәров, драматург, сценарист Мансур Гыйләҗев тәкъдим итә. Миләүшә Айтуганова кинофестивельдә жюри әгъзасы буларак катнаша.

«Байгал» тулы метражлы фильмның режиссеры һәм баш продюсеры - Илдар Ягъфәров, сценарий авторы – Мансур Гыйләҗев, продюсер һәм төп рольләрнең берсен башкаручы – Миләүшә Айтуганова. «Киллер» кыска метражлы фильмы Салават Юзеевның татарометражкаларының берсе.

Тагын ике кинокартина – Илшат Рәхимбайның «Катлаулы бизәк» документаль фильмы һәм «Овертайм» лентасы конкурстан тыш күрсәтелә.

Шарм-эль-Шейхта үткәрелүче Азия халыкара кинофестивалендә 26 илдән 58 фильм күрсәтелә. Кинофестиваль 8 мартта ябыла.

Бу хакта тулырак: https://tatar-inform.tatar/news/2019/03/01/181841/

Иң мөһим һәм кызыклы язмаларны Татмедиа Telegram-каналында укыгыз


Ошый
315
0
0
Комментарийлар (0)
Cимвол калды:
Алия белән Ришат бәби үстерә диләр...
FIFA җанатарлары фестиваленнән фоторепортаж
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Антикоррупция
Реклама
FIFA җанатарлары фестиваленнән фоторепортаж
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы